Pagtuki sa mga Butang

Panabo Original Bakeshop!

2012-01-26T22:47:00.000-08:00

Loaf bread lami nga pan.

Bisan tuod nga dugay na nilabay ang bag-ong tuig kanunay gihapon ko makapangutana.
Nganong daghan man mo-palit og loaf bread o american bread o cream bread inig ka pasko og bag-ong tuig?
Tungod ba kini lami ipares sa pansit? lami ipares sa spaghetti? lami kaunon nga bugnaw? o pwede ibutang sa lamesa i-decorate.
Pero sa tinood lang lami pod ni nga pan.
Busa nag himo kog usa ka concepto nga vector art alang sa maong pan o tinapay

Panabo Original Bakeshop!

Unsa pay gihulat ninyo? palit na!

photoshop turorials

2011-06-29T11:18:00.000-07:00

para sa kalinaw.

Jig Live at Panabo

2011-03-02T15:43:00.000-08:00

watch the show of Jig "Ukulele King" Live at Panabo.

Hulagway gikan sa Kadayawan

2010-09-13T09:44:00.000-07:00

Akong kuha nga Hulagway sa Malampusong Kadayawan. Sadya!

Philippine Hostage Crisis in the Philippines

2010-08-23T14:06:00.000-07:00

Tungod sa Ka kuyaw sa atong pang gamhanan, mga Pulis og SWAT dire sa atong nasud usa ka Hostage taking sa Manila karong Adlawa (August 23, 2010) ang na human, pero ang tanan pasmo!

Kini ba tungod sa abilidad sa atong mga ka-pulisan?
Kini mao ang mga kuha sa ilang trainings usa pa nahitabo ang maong Hostage. Ang gitahong sekreto kung unsa sila ka kuyaw.

Latest CPU or System Unit Upgrades

2010-07-30T15:06:00.000-07:00

Nag huna-huna ko og unsay maayong buhaton sa akong karaan nga CPU or System unit kay Hinay na gyud siya kompara sa mga nag kadaiyang bag-ong nang-gawas nga model karon. Busa nag himo kog listahan sa mga ilisanan nga pyesa aron kini magamit sa maayo og igong pama- agi.
Sa wa madugay ako nang nabuhat ang pinka maayo nga "MODIFIFATIONS" para sa akong PC. mao na ni!

enjoy!

just add fresh meats. parehas anang pork, isda sama sa: pirit, moro-moro, budboron, Bilong, bariles, og uban pa.

President Noy-noy Aquino

2010-06-30T07:23:00.000-07:00

Hunyo 30, 2010, President-elect Benigno “Noynoy” Aquino III gitakda nga ipasa sa iyaha ang katungdanan og Gahom isip Presidente sa Republika sa Pilininas. Eksakto 11:52 karong adlawa nanumpa si Noynoy sa atubanga sa minilyon ka Pilipino. Usa ka anak sa Senador Benigno “Ninoy” Aquino og kanhing presidente Corazon Cojuangco Aquino magmalampuson unta kita,

Benigno Simeon Aquino III Mabuhay kitang tanan!

Bye Bye Gloria!

2010-06-30T07:16:00.000-07:00

Ang sala mapasaylo apan dili makalimtan. walay naka sala nga dili ma silutan sa Balaod sa Tao ingun man sa Diyos.

Hitik sa Bunga by Brownman Revival

2010-06-11T12:55:00.000-07:00

Hitik sa Bunga
by: Brownman Revival

Nakaranas ka na ba
Nakatikim ka na ba
Nakatanggap o nabigyan ng kahihiyan
Dahil sa iyong pinakikinggan
Dahil sa iyong pinanindigan
Dahil sa mahal mong kasintahan
o dahil sa iyong nakamtan

[chorus]
Inggit sa iyong narating
Pilit kang sisirain
Dyan sila magaling
Ilalagay ka sa alanganin

Kaya mag-ingat sa mga asal talangka
Hihilahin ka nila pababa
Namamato pag ika'y hitik
Hitik sa bunga [2x]

Dapat lagi kang listo
Bantayan ang iyong puso
Sa mga pabigat sa iyong pag-akyat
Pumipigil sa iyong pag-angat hmmm
[repeat chorus]

Mag-ingat sa mga asal talangka
Hihilahin ka nila pababa
Namamato pag ika'y hitik
Hitik sa bunga [2x]

Burjer

2010-06-01T09:30:00.000-07:00

Palit na mo. Barato na lami pa.
nakit-an ra sa usa ka tindahan.

Double?

2010-05-31T09:28:00.000-07:00

kung gusto ka nga mo palit og maayo, lig-on, dili dali ma guba, sinaw, lami higdaan og uban pang mga abilidad nga dili dali makit-an sa uban nga furniture shop adto lang dapit sa Roxas St. sa siyudad sa davao.

Election nga Malampuson

2010-05-12T06:56:00.000-07:00

Dako akong pasalamat nga ang eleksyon nga Local og Presidential nagmalampuson. Suma total nag malampuson bisan toud nga kini dugay og samok sa ubang lugar apan nagpabilin nga maayo ang tanan. Daghang salamat sa tanan nga nagpakabana og sa tanan natong mga Pilipino Congratulations!

Siyudad sa Panabo

2010-04-14T23:37:00.000-07:00

Panabo City Hall

Mall sa Panabo

Panabo Tennis Club

Bagsakan sa Panabo Fish Cage

Tulay padulong sa white sand

tore nga relo

2010-02-10T13:57:00.000-08:00

Ang relo nga nagtindug taliwala sa ulan og init. Saksi sa paglabay sa panahon sa Siyudad sa Dabaw.

akong kodak dapit sa Simbahan San Pedro Siyudad sa Davao.

pantalan

2010-01-28T11:01:00.000-08:00

new year na man diay no? dapat naa pod tay mga bag-o sa atong kinabuhi. mao nag sugod ko og bag-ong lingaw. mao ni ang pag pamiktyur. oo, tama. kanang kodaker gud. isa ka sampol para sa inyo. hehehe kuha nako ni sa amoa sa Panabo.

Tadeco Wharf

Maguindanao massacre

2009-11-24T06:07:00.000-08:00

usa ka gamay nga yuta, mga igsoon namuyo apan nag-patay tungod sa kahakug sa gahum og salapi.
niadtong lunes 22 ka patayng lawas ang nakita og karong adlawa 24 ang nakukuban. ug niabot na sa 46 tanan matud sa mga hintundan. ngilngig og kung boot huna-hunaon dili kini mahimo sa usa ka tawo nga naay maayong panimoot. aduna pa ba kini silay kasing-kasing? aduna ba bay pagmahal og pag hatag og importansya sa kinabuhi? kinihanglan adunay manubag sa maong sala! walay silot nga mahatag sa iya diri sa yuta. nanghinaot ko nga ang pag bag-o sa atong nasod dili mawad-an og paglaum. og pila pa ba ka inosente nga mga Pilipino ang angay mamatay aron mahigmata kita sa kamatuuran. dili nako ma dawat nga kini tungod ba sa pagbag-o sa proseso sa eleksyon, tungod ba nga sila nahadlok nga dili na sila maka tikas sa modernisasyon sa pag boto?! daghan pangutana, daghan og kabalaka. apan daghan kita nga mo barog alanga sa kalinaw og kamatuuran. Pakgangon nato ang daotan nga ehimplo og ang yawa sa atong nasud. Ayaw pasagdi ang atong Demokrasya Pilipino!

alang kanimo higala

2009-09-25T14:40:00.000-07:00

ang kinabuhi mahisama sa usa ka libro nga nagbaton og daghang palid sa papel apan ang kalahian niini mao nga kni dili na nato mahimong mabasa sa pa pag-usab. nga kitang tawo lumalabay ra sa kalibutan. sama sa usa ka higala bisan pa man nga sa kadiyot sa higayon nga ako siyang nakaila pero sakit ang kamatuuran nga siya nipanaw na sa kalibutan. kita wala kabalo sa pikas kinabuhi mao nga kita mahadlok niini. mao nga kita angay gayud mangandam. og kanimo Arnold salamat og hinaot nga ikaw maglawig nga malinawon...

panultihon

2009-09-11T08:58:00.000-07:00

"Bisan unsa kadaghan sa asukar nga imong ibutang sa imong kape dili nimo matagmtaman ang saktong katam-is kung dili kni kutawon."

malampuson nga Kadayawan 2009

2009-08-24T14:49:00.000-07:00

mga bata gayaka gahulat sa pagsugod sa indak-indak

gilimpyohan nga kalsada sa Claveria

indak-indak participants

mask ranging from 20 pesos to 150 php

mga boyscouts gatabang sa pag organisa sa maong parada

mga balangi-ngi nangayo pod og piso og pagkaon sa mga nitan-aw sa parada

Usa ka malampuson nga pag silibrar sa Kadayawan sa Davao 2009. Bibo, Sadya, Mabulokon og Malinawon ang niagi nga Kadayawan sa Davao 2009. Madayaw Davao! Salamat sa pakigduyog kanamo mga Higala.

Kadayawan sa Davao 2009 - July 21 - 23 Schedule

2009-08-21T07:13:00.000-07:00

Mga Katikaran, Panghitabo og kasadya nga angay natong atngan karong umaabot nga kadayawan 2009 diri sa Syudad sa Davao.

Aug 20 - 22 4th Mindanao Travel and Tourism Expo Davao Convention and Trade Center
Aug 20 - 22 Photographers' Night and Imagenation Photography Summit by Canon Davao Convention and Trade Center
Aug 21 - 23 8:00 AM - 2:00 AM Kadayawan sa Chinatown Uyanguren cor. Alvarez to cor. Bangoy
Aug 21 - 23 Kadayawan Sportsfest: Dama Osmeña Park
Aug 22- 23 Kadayawan Sportsfest: Chess Gaisano South
Aug 25- 30 Kadayawan Fiesta Bazaar 2009 Davao Convention Center
OTHER ACCREDITED EVENTS:
14-Aug Mall Hours Mindanao Culinary Festival SM City Event Centre
15-Aug 8:00 AM Katingalahang Kalingawan sa Kadayawan Bago Beach Resort, Bago Aplaya
16-Aug Katingalahang Kalingawan sa Kadayawan Bago Beach Resort, Bago Aplaya
5:00 AM 11th Jollibee Family Fun Run Gaisano Mall of Davao
7:00 AM Flight of the Eagles Fun Run Magsaysay Park

Kalinaw nga dayon Kanimo Nanay Cory

2009-07-31T15:31:00.000-07:00

Dako nga kawad-on sa tibook Pilipinas, usa ka personahe, usa ka lig-ong haligi sa demokrasya sa Pilipinas. Ang inahan nga naghatag ug dugang kusog taliwala sa kawad-on og kasamok sa dektatorya ni Marcos.

"Our mother peacefully passed away at 3:18 a.m. August 1, 2009 of cardio respiratory arrest. She would have wanted us to thank each and every one of you for all the prayers and your continued love and support. It was her wish for all of us to pray for one another and our country. Hinihiling po ng aming pamilya ang konting panahon para makasama namin ang aming mahal na ina," a statement from the Aquino family read.

Subo apan angay natong dawaton og ihandom og ipatik sa atong huna-huna og kasing-kasing ang iyang kaayo alang sa atong nasod. Kanimo Nanay Cory Kalinaw nga dayon.

patay na ang hari - Michael Jackson Died at 50

2009-06-25T15:56:00.000-07:00

45 ka tuig nga nag trabaho Michael Jackson gi bantog nga hari sa POP (king of pop) gi mahal og naka dawat og nahilambigit sa daghang Kontrobersya. sa edad nga 50 namatay na siya karong adlawa. gi balita nga namatay tungod sa atake sa kasing-kasing. bisan wala pa na komperma, apan daghan nagbalita lakip ang CBS news nga nipanaw na and hari. Kalinaw nga daun kanimo Michael Jackson. salamat sa mga kanta og daghan nga insperasyon nga imong nahatag sa industriya sa pagkanta.
Subo apan angay dawaton.

pwede ba ni nga header?

2009-06-23T09:27:00.000-07:00

unsay tan-aw ninyo?

Political Arena

2009-06-18T14:07:00.000-07:00

Duol na gayud ang 2010 eleksyon diri sa Pilipinas. Kadaghanan kanato nangandam na sa pagbuto og sa pagpili sa mga mangulo diri sa atong nasod. ubay-ubay sab ang mga batan-on nga nagpa rehistro og hilabina ang mga organisasyon nga nakipag hilambigit sa mga uma-abot nga dakong katikaran sa nasud. Apan ang dakong pangutana kung unsa ang pag tan-aw sa usa ka karakter sa mga umaabot nga mga kandedato. kung dis-a ba sila gikan og mga naabot og nahimo na nila usa sila naka abot sa ilang gitungtungan karon. angayan ba kaha kini sila nga ibuto? busa ako nangita og usa ka site nga makita ang ilang reperensya nga atong gitawag. kini mao ang Political Arena usa ka maayo og kompleto nga naga sulti sa mga posibleng mo kandidato sa umaabot nga piniliay. kung kamo gusto mailhan ang inyong pilon adto ra mo diri.

Batibot dungan sa Adlaw sa Kagawasan

2009-06-11T08:11:00.000-07:00

naka hinumdom ka pa ba sa salida nga Batibot? lingaw kaayo kini nga salida naidtong bata pa ko. sa akong pagkahimumdom ang among tibi kaniadto blak en wayt pa to. ug ang akong gamayng kalibutan nahilakip ang usa ka salida nga ni patik sa akong huna-huna og kasing-kasing kay sila naga tudlo man og maayong pamatasan nga pinaagi sa pag lingaw sa mga bata.
kanus-a pa kaha nako makita pag usab si Pong Pagong og ang tanan nga nahilambigit sa Batibot?

uncut Video of Vicky Belo, Katrina Halili, Maricar Reyes and Hayden Kho Scandal

2009-05-22T12:35:00.000-07:00

tiaw mo na. gibaligya og isa ka gatos hangtod sa tag sento senkwenta and pirated nga dvd nila Katrina Halili, Maricar Reyes and Hayden Kho Scandal. dakong kauwaw sa mga Pinoy artists! usa ka doktor nakipag hilawas og sekretong gi kuhaon og video ang ilang gihimong kalaw-ay. ka way puangod nga mga tao. naka eskwela og gihinganlan pa naman unta nato silang propesyonal. gitamak-tamakan ang katungod sa mga babae. bisan pa man nga sa video gipakita nga si Katrina halili nag kisi2 nga murag pantat tungod sa kalami dili kinhanglan kini ibaligya og pangwartahan. unsaon na lng ang mga kabatan-unan nga maka kita ani? ingun ani na ba gayud ka way ayo og ka way nada ang mga binuhatan sa industriya? hay nako daghang mga pangutana apan isa ray dapat himoon. angay manubag ang mga tao nga nagpalikod niini aron mahunong na.

angels and demons

2009-05-19T07:27:00.000-07:00

adunay bag-ong salida sa sine nga naka kuha sa akong atensyon kay kuno kini batok sa mga nangulo sa simbahan og sa atong relehiyon nga katoliko. mao kini ang anghel og demonyo nga sinulat ni Dan Brown. apan naa koy pangutana kaninyo. kabalo ba mo kung unsay paborito sa mga Obispo og Pari nga dula? kung wala pa kamo nasayod busa sultihan ko kamo. mao kini ang madjohng. kay dinhi lamang sa madjong maka sinati og maka ekperyensya ang mga pari sa pag salat. mao ra to. ehehehe :P

duha ka lingin, salamat

2009-05-18T15:04:00.000-07:00

nahikurat ako sa dihang naa koy namatikdan nga duha ka lingin nag patong sa akong lamesa sa akong pag balik sa akong lingkuranan gikan sa pag pangihi. usa ba kini ka damgo? usa ba kini ka milagro? usa ba kini ka pangihitabo nga dili matukib sa sa usa ka ordinaryong panghuna-huna sa tao. apan dili usa diay ni ka gasa gikan sa akong kauban sa trabaho. poloboron! nag pasalamit ko uban ni ankol borgee, micheal, og elton nga naka kaon mi sa maong namit nga makaon. busa kanimo ma'am. aprob!

sa Davao

2009-05-12T09:47:00.000-07:00

napaakan na ba ka og aswang sa Matina Aplaya?

og nakakita kag white lady sa Wireless Cementery

na tusok na ba ka og ice pick sa dihang naglakaw sa Boulevard?

naka pick up na ba ka og proste sa Claveria?

na tripan na ba ka ug adik sa Barpa?

o dili kaha nadamay sa rambol sa Bangkerohan.

nakoutan na ba ka sa Agdao?

na snatchan og bag sa Quirino?

na hold up na ba ka sa Roxas?

na labnihan og cellphone sa Magallanes.

na igo na ba ka og bato sa Ponciano?

og napusilan na baka og death squad sa Obrero?

unsa pay gihulat ninyo? Adto og beyahe na sa Davao.

atik lng bitaw ok man ang Davao wala gyuy samok.

Gigamit Akong Kutsara

2009-04-21T22:41:00.000-07:00

Sayo sa buntag sa akong pag pangape natingala ko kay wala ang akong kutsara sa akong mug. Akong gipangita, "basin naay nigamit" ana ko. Apan sa akong pagka kita sa akong kutsara murag gikumot akong kasin-kasing og nisugat akong kilay. Gigamit tood! ok ra unta PERO wala hugasi! atay. Ngano ana man? bisan siguro unsa nato ka bc kung mang gamit ta sa kutsara sa uban palihog hugasi lng. Ni-uga na gud ang cheese wiz nga ni dikit sa kutsara abi gani nako og peanut butter kay brown na ang kulay. haskang paeta. bantay ra na sila. pero ge lng ana man gyud nang bida pakulata sa.

To whom it may concern: hugasi lang sa sunod please. Ana na lng siguro. tsk, Ambot lng.

kalooy sa choi.

paghinumdum sa usa ka kaagi

2009-04-16T20:14:00.000-07:00

sa bata pa ako adunay usa ka awit nga dili gayud nako makalimtan. mao ang awit nga bersyon sa usa ka nursery rhyme nga gitawag nila'g "row row row yer boat". kini ng awit na dungog nako sa akong dugay nang namatay nga apohan si Lolo Doming. nang hinaot ko nga siya atoa na sa kilid sa atong Ginoo karon.
mao ni ang awit.

Bugsay
Lolo Doming

Bugsay Bugsay kiling dyutay
Bugsay Bugsay kiling dyutay
Bugsay Bugsay kiling dyutay
Buggsay Bugsay kiling dyutay
Bugsay Bugsay kiling dyutay....

oi nikusog naman diay ang hangin.

Bugsay Bugsay kiling dyutay
Bugsay Bugsay kiling dyutay
Bugsay Bugsay kiling dyutay
Bugsay Bugsay kiling dyutay
Bugsay Bugsay kiling dyutay....

murag naa na hapit ang bagyo

Bugsay Bugsay kiling dyutay
Bugsay Bugsay kiling dyutay
Bugsay Bugsay kiling dyutay
Bugsay Bugsay kiling dyutay
Bugsay Bugsay kiling dyutay....

bagyo na gyud!!!!
Bugsay Bugsay kiling dyutay
Bugsay Bugsay kiling dyutay
Bugsay Bugsay kiling dyutay
Bugsay Bugsay kiling dyutay
Bugsay Bugsay kiling dyutay....

si Lolo Doming usa ka mananagat og mapalanggaon nga amahan og Apohan.
salamat Lolo sa usa ka gamay nga panumduman.

72nd Araw ng Davao Parade Winner

2009-03-15T23:47:00.000-07:00

Sadya og daghan kaayo ang nakigdait og nisalmot sa parada sa 72nd Araw ng Davao. Og bisan daghan ang entry nakadaog gihapon ang pagtuki paraders nga naay duha ka myembro (ang tag-iya og ang iyang kabaw). Daghan ang nalipay kay nakadaog ang maong niapil.
Og busa Salamat kaayo sa akong Kabaw nga wala gyud gikapoy sa maong parade. Og kaninyo mga igsoon nga nipak-pak sa akong pag lakaw2 sa dalan sa Dabaw daghang salamat.

Indie Film - Beggars Banquet

2009-03-10T19:27:00.000-07:00

Wala gyud ko nasayop pertong nindota ang bag-o nga indie film nga Beggar's Banquet. Mao ni musonod nga manghakot og awards sa OSCARS.

palihog sa pliti

2009-03-05T19:16:00.000-08:00

"Palihog sa pliti" sayo sa buntag namalihog ko sa akong pliti pero murag wa gyud ka dungog ang babaye sa akong atbang, taas-taas baya tong akong gisakyan nga jeep. gikusgan pa nako og gamay akong tingog "Palihog sa bayaaaad!" pero murag wala gyud nanumbaling ang tonto. niduol na lng ko sa drayber unya gitunol ang akong pliti.

nahitabo na ba ni sa inyo? diba murag maka init sa ulo. tagbaw ta og pamalihog please og daghan pang pake pero wala gyud usahay reaksyon. tungod ba kini kay kapoy na mu tunol sa imong kamot? maka kuha ba ni sa imong unod? or maulaw ba kaha ka nga maalaan og kondoktor. ngano ingun ani man usahay ang mahitabo sa akong mga igsoon sa Dabaw? sayo sa buntag maka init na ug ulo. naa poy drayber dili mangambyo. perti nag kapa-kapa ni manang kay senior sitisin lagi pero wala gyud mo kambyo sa sakto si manong. perti nang pag alingasa sa estudyante kay way laing baon pero wala gihapon ni kambyo si manong drayber. nganong ingun ani man? nganong naay dili mo pliti? nganong daghan mga panghitabo sa atong palibot nga unta malikayan?

palihog lng.

Presley Live In Manila

2009-02-11T21:53:00.000-08:00

You're my Teddy Bear...

Jigs Presley Live in Manila... come on come all concert.

see print adds and poster for details.

The Legend Of Jigs Lee

2009-02-10T23:34:00.000-08:00

"Enter the Dragon Fly"

coming soon in theaters near you...

Donation for the Blind

2009-02-10T21:27:00.000-08:00

Sa among paglakaw padulong sa pag paniudto aduna kami nakit-an nga usa ka buta nga babae nag kanta og "For Mama" og nag tukar og gitara. nakapahimoot kani sa mga nanglabay og ang uban nanghatag og donasyon kaniya. tood usa maanindot nga awit ang atong madungog sa kahanginan apan unsa kahay ugma ang mag paabot kaniya samtang siya naga- awit. matod pa sa kanta ni paring Fred nga swerte ang mga buta kay luwas sila sa kasal-anan sa kalabituan.
pagka-anindot sa atong palibot labina sa pagsubang sa adlaw og sa pagkidlap sa bitoon sa langit apan ato kining makalamtan usahay og makalimot kita pagpasalamat nga kita naka kita aning mga butanga.

ang tinood nga kalipay dili lamang sa atong makita, madungog masimhot o matilawan kundili ang tinood nga kalipay mao ang paghigugma sa atong isig kaingun.

higugmaa ang mahal ninyo sa kinabuhi kay usa kini ka dakong gasa sa atong Ginoo alang kanato.
alang sa atong mga pinangga ayaw kalimot sa pagpadayag sa tinood nga gugma labina nga haduol na ang adlaw sa kasing-kasing.

og sa akong Pinangga diay nga si Iting dako nako nga pasalamat nga ikaw nahiabot sa akong kinabuhi og ikaw nakauban nako nga bisan sa kalisod og sa kalipay adia ka sa akong kiliran nga walay undang nagmahal.

happy valentines day. :D

Ang-ang sa Kinabuhi

2009-02-08T21:17:00.000-08:00

Adunay mga ang-ang sa atong kinabuhi nga ang kadaghanan makasinati o nakasinati na niini. Kung dili sa ilahang kaugalingon sa ilahang mga kaila og mga taong naka palibot sa iyaha. Basin diay kamo anaay maidalit sa mga ekperyensya mao nang ato ning tukion kung unsa gayud kini ka tinood.

3 - 8 anyos
padaghanay og dulaan

9-18 anyos
pataasay og grades

19-25 anyos
padaghanay og uyab

26-35 anyos
pagwapahay og asawa

36-45 anyos
padagkuay og sweldo

46-55 anyos
padaghanay og kabit

56-70 anyos
padaghanay og sakit

70 - pataas
pabunggahay og lubong

unya unsa inyong ikasulti niini. tinood ba kaha og mga panaghap lamang.

Pangandoy nga Kotson

2009-02-03T17:20:00.001-08:00

Niadtong bata pa ko nagdako ko nga gahigda og nagatulog sa usa ka katre nga hinapinan og banig. Aduna po'y mga higayon nga sa poldingbed ko nag higda og hangtod nga kini naguba og nagusbat na lng. Ako gihapon ning giisip nga usa ka lami nga tulganan kay sa matag kagabhion og sa panahon nga gusto ko mo pahulay og mohigda maka ingun man ko nga akoa man ang maong tulganan og kini makapabati kanako nga ako swerte kay adunay masilongan sa bugnaw nga kagabhion. apan aduna gihapo'y mga sitwasyon nga nag handom og nangandoy ko og kotson. kay lami lagi ni higdaan og humok sa likod. inig mata wala kay mabatian nga pamaol og mga sakit2 sa kalawasan. lami guyud kung humok og maanidot ang atong higdaanan.

Apan sa akong paglatagaw aduna koy nakit-an nga bata nga gahigda sa humok nga kutson pero ako gibati og kabugnaw sa dihang akong gihinuktukan kung unsa kaha iyang dyutayng pangandoy. naghandom pa ba kaha ni siya og usa ka kutson? o dili ba kaha usa ka lami nga pamahaw gikan sa pagtapik sa usa ka kauban sa panimalay nga maoy nag amuma og mopukaw aron mokaon na siya sa lamisa og mamamahaw na.

Bote Bakal

2009-01-13T21:05:00.000-08:00

kung ingon ani kahumok ang sandiganan sa usa ka mamalitay og bote-bakal mamalit na lng pod ko!
ehehe nalingaw gyud ko sa pagkakita nako sa kariton nga naa sa karsada sa Bonifacio Davao City.

kung naa moy bote, bakal, plastik, garapa, dyaryo, sin, guba nga ref, plantsa, washing machine og uban pa hala ibaligya kanako aron maka kwarta ka.

Horoscope

2009-01-06T21:51:00.000-08:00

usa kita mo padayon sa 2009. ato sang tukion ang muabotay nga katalagman og swerte sa atong kinabuhi pinaagi sa pag basa sa atong nagkadaiyang horoscope.

aries
delikadong maglakawlakaw karun kay slide ang
dalan ug daghang makakita.patuo jud sa tambag
ayaw agi sa dalan.adto agi sa dagat kay pulos
tubig to ddto dli maklaro kong ma slide
ka.
swerteng numero: 188,pwede sad rambolon!

taurus
bation nimo ang tumang kalaay,busa likaye ang
pagtan aw sa imong dagway. lugar debwenas;
kanang lugar nga walay samin aron
dli nimo makita imong dagway!

gemini
naglibog ka karun kung kinsa ang imohang
pilion,ang imong uyab nga adunahan apan maut
o ang usa nga ambungan pero
wlay nahut.
nganung maglibog mn ka nga
nga libog naman kang daan?
diba?!swertehun ka sa
pagsigeg chat sa internet,kay mag brown out kini
ug dili ka makabayad sa imong nagamit nga time.

cancer
ayaw pgpaduol sa klasmeyt nimo(kana kon
estudyante ka ha!)imong ka opismit(kung opisgirl ka!)nga
nagsigeg panghingugmo
kay delikado nga malagputan ka!
swerteng butang: panyo,incase nga dili malikayan aduna kay
mapahid

leo
palig-uni ug maau ang imohang bra kay
makasugat kag gwapo. daku ang posibilidad nga
mabugto ni. kun ikaw lalaki,seguradoang lig-on
ang imong siper kay dghang tentasyon sa mata
ang masugatan nimo ron .lugar debwenas :
sementeryo

virgo
intriga sa kinabuhi ang buot mopaluya
nimo,magsige daw ka ug papansin aron maka gain
ug lots of friends.apan ayaw kana pansina instead shout it to
the max "wlay bot-anay"
butang dimalas : cellphone,ma check
operator ka!

libra
kalipay ang mgpaabot nimo karung semanaha kay
dghan ka ug mauyab.likayi ang mga tapulan og dili kahibaw
mubuhat ug labletters kay syur ko ikaw jud ang pahimuon
haha..
swerteng butang ; chalk..kon estudyante ka suwati ang
inyong blakboard ug wanted uyab!

scorpio
ugma kong molakaw ka kuyog imong mga prends
ibilin jud ang imohang cellphone kay dghang mga prends nimo
ang wlay load unya magpapasa load sila nimo. dal-a lng ni kung
wla sad kay load ok?!
swerteng lugar ; eskinita, makakita ka ug
casing sa imohang cellphone.

sagittarius
hilabihan nimo ka swerte karung adlawa kay
makadawat ka ug pahalipay bisan layo pa ang pasko,lifetime
supply sa tawas. tawo nga dimalas ; imohang tupad

capricorn
madakpan ka karung adlawa kuyog ang imohang
uyab sa usa ka mall! ang rason nila "no pets
allowed" butang debwenas :tangkal.adto na
ibutang ang imohang uyab!

aquarius
pg andam pirme ug rugby kay malangkat ang
lapa2x sa imohang sapatos. kung wla kay rugby
pag bawon pirme ug sinelas,isud sa bag. tawong demalas : may
lain pa,di IKAW!!!!

pisces
maayong ilabay ang butang nga imohang gikuptan
kay mao kana ang nagdala ug demalas
nimo.opss! time pah! joke lng!!! ang tinuod
swerte ka karun kay librehon ka sa imong tupad.
adlawng debwenas ; KARON lageh

sige og hantod sa sunod nga HOROSCOPE.

Malipayong Pasko

2008-12-15T21:49:00.000-08:00

Sa akong mga suking manukiay Maayong Pasko og Mauswagong Bag-ong tu-ig sa inyong tanan! nanghinaot ko nga kita magkahiusa og magpuyo nga puno sa panaghigugmaay. Og unta ang kaayo, kalinaw og paglaom sa atong kasing-kasing magpabilin kanunay.

Mubalik ko puhon sa dili madugay.

Sakay na

2008-12-08T22:30:00.000-08:00

Kung natagbaw namo og sakay og ordinaryong bus hala adto sa Siyudad sa Panabo aron maka suway pod mo ani. Aligri kaayo sakyan ang maong bus kay isa ra ni sa tibook Pilipinas. pwede sa taas pwede pod sa silong. ehehehe sige kay musakay sa ko ha!

unsaon pag drawing sa papel

2008-11-25T22:58:00.000-08:00

kabalo ko nga daghan kanato hilig og drawing. bisan sa mga bata pa, sa eskwelahan bisan mga tigulang hilig gihapon og cartoons nga gidrawing ra man unta ni. Busa hatagan tamo og tips unsaon pag drawing. ingun ani ang sakto og makalingaw nga pag drawing. pero murag lahi ra man gyud. ;)

Pinoy Hangaroo

2008-11-23T18:36:00.000-08:00

pagkangilnig!

gusto ba ninyo ang Hangaroo? ang Pinoy bersyon sa Hangaroo sulayi!
mao kini ang maayo nga makapadasig sa inyong kaugalingon.
testingi!

asa may mas ayus sakyan?

2008-11-19T16:57:00.000-08:00

Nahimoot gayud ko pag-ayo sa dihang nag huna-huna ko og unsay maayong himoon nga serbis. Gusto nako nga maka tipid sa pamaliton og tood taas na ang presyo sa mga pamaliton labi na ang lana o gasolina nga maoy premira nga kinahanglan aron moandar ang atong mga sakyanan. Og sa dihang ako nag lantaw-lantaw sa palibot naka kita ko og duha ka klase nga serbis og ako silang giapil sa listahan sa akong sakyan puhon. tabangi ko ninyo og desisyon kung unsay mas maayo nga akong pilion. ahahaha

Habal-habal - natingala gayud ko nganong ang mao kini ang iyang nahimong pangalan. tungod ba kini kay ang mga manakay niini mura pod og naghabal. ahaha makalingaw sab ang ingun ani nga klase nga sakyanan. kaaligri! gusto ko ani. :P

Skylab - dili ni sakyanan padulong sa outerspace nga atong ginahuna-huna apan mao kini ang mas kuyaw nga pamaagi aron maka abot ka sa sook sa bukid. Nga bisan batsi og lapok maka duwal. murag pod ni siya og tinood nga "skylab" kay naa man goy pako pero dri mo patong ang mga pasehero og manakay. oruy kung maapiki og obertik unya mabilin sila no? ahaha kalami na lng musakay. gusto ko ani. :P

unya sa inyong tan-aw asa man ang ayus sakyan og mao nay akong paliton puhon aron himoon nakong serbis. ahaha :P ayus!

nang hinaot ko nga matabangan ko ninyo.

Barack Obama hawda ha

2008-11-05T22:58:00.001-08:00

Sa akong Polotikanhong pagtan-aw sa usa ka nasod nga susama sa Estados Unidos susama usab sa akong dyutay nga kaalam sa ubang butang sa akong palibot.Daghan koy dyutay ray nahibal-an apan ako nag pakisusi aron akong matuki pag-ayo kung unsa ba gayod and kaayohan nga atong madawat gikan niini.
Tood kita Pilipino og angayan nga tutukan ang atong problema sa atong nasod og mas maayo nga unahon nato ang atong kaugalingun apan wala ko naka pugong sa pakisusi kung unsay tumong sa bag-ong presidente sa sa pinaka kusgang nasod sa kalibutan. Kay dili ikalimod nga daghang produkto materiales og tabang nga gikan sa Estados Unidos ang ginadawat sa atong nasod isip usa ka pakipag halimbigit sa maong katikaran sa tibook kalibotan.
Og kay tungod usab nga siya ang ika 44 nga presidente apan mao ang pinaka una nga itom og panit nga amerikano (black Americans daw)nga mulingkod og maoy manguna sa ilang nasod.
Gibasa usab nako ang mensahe ni Obama ngadto sa iyang katawhan nga kuno angay nga wagtangon ang ang pagka ubos sa mga itom nga tawo nga kini nagpadoot og nagpasakit sa mga lumulupyo sa ilang nasod nga bisan sila usa man usab ka Americano. Gitawag kini silag black american og kini sila naay dugong ulipon og nag antos sa tugnaw nga pagtagad kay tungod pod lagi sa "racial discrimination". Og dako akong kalipay nga iya usab wagtangon ang pakipag gubat sa ubang nasod og kini dakong kaayo ang mahimo kung mahitabo. daghan usab atong mga igsoon ang maka benipisyo sa maong pagbago kay daghan baya nga mga Pinoy ang nanarbaho sa Esteyts.

Apan ako nabalaka kay basin kining mga tam-is nga mga pulong mahisama usab sa mga pangandoy nga mahulog na lamang sa kalimot. lakip niini nabalaka usab ko kay kay adunay hulagway ang akong nakit-an....

kitang mga Pilipino kanus-a pa kaha mawagtang ang mga kagool nga nag hilambigit sa atong Polotikanhong pakig-bisog.

Mag pabilin ba kaha ang mga pobre sa ilang pagka pobre!
Og ang mga dato musamot sa ilang kadato... way ayo.

Nanimahong Cebu

2008-10-28T23:36:00.000-07:00

Hasta nakong ambak sa pag ka kita nako sa tao nga nagtrabaho sa LBC. Kay kabalo ko nga iyang dala mao ang akong T-Shirt nga gikan sa Cebu. Dako akong kalipay nga wala gayud ko gipakyas sa akong mga amigo sa CBS (Cebu Bloggers Society) sa akong hangyo nga maka soot niining ilang ayus og perte ka maayo nga pagka disenyo nga t-shirt.
Nag pasalamat ko kay Clarence (CLADO of dahong laya) og kay Xerxes Obnoxious Queer nga maoy nahimong hinungdan nga ako naka soot sa maong bisti.
gamay'ng estorya kung giunsa nako pagkakuha sa maong t-shirt.
dugay na kami nagkahimamat ni Clado sa internet og kay tungod lagi niining gitawag namo og blog. Og sa akong pagkasayod nga aduna silay buhaton nga t-shirt alang sa ilang panag-tapok sa CBS na interesado ko sa ilang shirts kay hastang ayusa man. Og ako siyang giparaygan nga padadhan mi og shirt unya mo bayad lng mi pinaagi sa pag padala og kwarta sa bangko. Bisan tood nagkalisod kay wa lagi sapi nag order mi sa shirt og gi tihik pa gani kini kay karon pa lagi sukad ma testing og padala. gihimo gyud nako ang tanan. aron lamang matuman ang gamayng pangandoy. :p . Gi-estorya namo si X nga mao ang nag kupot sa katungdanan sa maong bisti og nisugot siya sa walay pagduha-duha. og karong adlawa (10/29/08) na dawat na nako ang akong gihulat.

Duha ra mi ni Jacob ang naka sul-ob sa T-SHIRT nga gikan sa CEBU. ahahaha pasensyahe na lng daan among posing kay murag wa pa may pamahaw og pani-udto.

Busa sa inyo nga mga buotang tawo sa Cebu DAGHANG SALAMAT! padayon sa pag-uswag!

kung kamo gusto pod maka baton og POWERS! ay tshirt diay.

Estoryaha lng akong amigo nga si CLADO (ym- clarence_mongado) og Xerxes (noxerl) og dil ba kaya pangutan-a ko sa mga detalye. salamat!

Angay Ba Kita Mabalaka?

2008-10-27T00:17:00.000-07:00

Matod pa sa teorya sa ebolosyon ang tao kuno gikan sa unggoy. Mao kini hisgot sa mga eksperto og sigun sa akong pakisusi gikan sa mga sinulat ni anhing Charles Darwin.
Dili ko makaingun nga kini tinood kay wala pa igong ibidensya kung mao ba gayud kini ang gigikanan sa tao. Suma nagingon ang seyensya nga aduna kunoy nawalang kasayoran nga gitawag nila'g "missing link" aron kini makompleto og mapa matood nga ang tao gikan sa mananap. pero nganong daghan pa may unggoy no?

Adona koy nakaplagan nga hulagway sa maong eblosyon apan dako nakong pagka nganga og daw nakurat ako kay mao kini akong nakit-an.

kini nag pasabot nga ang tao nag anam nag katupolan og daw nahimo na siyang usa ka repleksyon sa iyang mga binuhatan nga daw siya gi base sa unsa ka inilang mananap, ang baboy.
sala ba ang kaulit? sala ba ang pagkahilig sa daw kaupas nga nanubo nga mga kan-anan nga
gitawag natong "Food Chains" nga igo na lng kita mo bayad unya habhab dayon?
usa ka dakong pangutana ang nag pabilin? asa kaha ma tapos ang Teorya sa Ebolosyon?

Kinsay Buang?

2008-10-14T01:13:00.000-07:00

Sa akong pag pangutana kung asa ko maka abot sa akong pag lakaw sa kalibutan naka kaplag akog usa ka dakong tubag. naa ra diay kanato kung asa kita gusto muadto og sa unsang paagi nato kini makuha. mga pangandoy nga atong ma dalit ngadto sa atong mga minahal sa kinabuhi.
apan unsaon na lng kung kita ma hisama na sa usa ka tao nga nag latagaw diri sa syudad sa Dabaw. adona ba kitay panahon nga maghinutok og mugahin sa pag huna-huna kung unsay gayuy hinungdan.

kinsay angayan mabalaka, kita o king tawhana? kinsay angayan magool? kinsay angay nga tawgon nga buang, siya ba o kitang nagpakabuta bungol sa mga nahitabo diri sa atong palibot.

sa inyong tan-aw asa kaha na siya padulong no?
sakit ba kaha iyang tiyan kay wa pay pamahaw?
naa ba kaha na siyay pamilya?
init ba kaha ang iyang tiil nga nag bag-id sa simento?
kanus-a man kaha niya maabot kung aduna siyay pangandoy?

mga pangutana og mga tubag. unsa gayud kaha?

ehehehe. :P

gibating kakapoy

2008-10-06T22:45:00.000-07:00

Murag dugay na gayud ang akong ulahing pagtuki. Daghan nang panghitabo sa akong palibot nga wala nako na bantayan. Aduna nay payag nga daghan na pod og na butang nga unod sa ilang pagpadayag. Apan ako nag pabilin nga nag lutaw-lutaw sa hangin. Daw gapnod sa dagat nga nag paabot sa pag hampak sa balod wala kabalo kung dis-a maanod.
Tungod ba kini nga gikapoy ako? Tungod ba kini nga naa koy mga pagsulay nga angay nakong sagubangon? O tungod kay daghan pakog angay nga pangtukion niining atong kinabuhi. Isa ray dakong pangutana. "Asa man ako paingun?" og kung maka abot man ako sa angay nga padulngan kanus-a og sa unsang paagi.

Kaninyo mga higala dako nakong pasalamat kung kamo maka hatag og tambag unsaon pag kawala sa mga kakapoy og panag-hap sa kinabuhi.
busa kaninyo ngangayo akog tabang. Ipaabot lamang sa among balay ang inyong mga donasyon.

pwede ang kwarta, bugas, noodles, tinapa, bulad, banig, trapal, habol, unlan, polding bed, tubig, tambal og bisan unsang tabang dawaton.

tawag lamang sa among Hotline o Email sa pagtuki

daghang salamat. eheheheheh starmus ginamos. :D

Otso, Ocho, Walo, Eight og 8

2008-09-23T00:28:00.000-07:00

Oi murag intersado ko ani nga tag da. Kay tood karon pa ko mag sulat ug bahin sa akoa diri sa pagtuki og ngangayo kog pasensya sa akong ubang higala nga nag “tag” sa akoa sa una nga wala ko ni sulat.
Unta nakasabot mo sa sitwasyon nga dili tanan nga gusto nato sa kinabuhi matuman. Ehehe mao ba. :D

Balik kita sa gitawag nato nga 8 o otso, usa ba kini ka swerte o gitawag natog “lucky number sa fung soy” (murag mali to akong spelling da) feng shui man jud daw sige lng gud. O usa kini nga numero nga naghilambigit og malas og dakong katalagman. Ayay ka. Murag lahi na jud ni. Pero ok ra kay mag sulat lng man ko og walo ka kamatooran bahin sa tag iya sa pag tuki nga tagoon na lng nato sa pangalan nga
Jigs “ang batang bronse”. Ahaha pwede na kaha? Busa sugdan ta ... oi usa ko mag sugod salamat diay kay Ronald og kay Mich nga nag tag sa akoa. Unta kamo lamdagan og kanunay giyahan sa labaw nga Makagagahum og unta kamo mag pabilin nga maayo og limpyo ang kasing-kasing. Og sa tanan kaninyo mga igsoon nga maka basa ning yugto sa akong kinabuhi nga unta kita tanan mag pabilin nga magminahalay og magtimbaya sa kalipay og mag dayid sa Ginoo.
Murag taas na jud to da, so ania na. Larga!

1.Sa una bata pa ko nag buhi mi og baboy, unya naguyod ko sa sagbot kay nang-gunit man kog maayo sa pisi sa pagdagan niya mao nang nabitay ko hangtod na guyod padulong sa layo. Ayaw kabalaka kay wala jud nako nabuhian ang baboy og wala pod nawala.

2.Gihuman nako ang akong Koleheyo sa sulod sa 7 ka Tuig. Ahaha! salamat wala niabot og walo. Atay ra. :P pero nag sulod kog daghan nga fast food chains para maka kwarta gamay

3.Sa first nako nga pagkahubog naka suka ko sa payag sa among silingan salamat kay gitimplahan ko nilag “coffee mate” (walay sagol kape og asukar) mao nang nahuwasan ko og dili na jud ko muinom og emperador basta isa ra ka shot hantod karon bahala na.

4. Dili ko kabalo mo dula og Basketbol kay wala may muuban sa akoa sa una para mo dula. Mao nang lampayatot ko. Ahaha murag dili man jud kusgan man pod ko gamay.

5.Hilig ko mo suroy sa mga kan-anan sa Davao bahalag mahal basta maka kaon ra. Kanunay nako kauban ang akong palalab inig mang gawas mi. Wahaha.

6.Ganahan kog mga pets nga iro mao nang ganahan pod sila nako. Pero naka kaon na pod kog kalderetang dog pero dili nako muusab kay walay lami looy pod. Ehehee

7.Sa high school pako ni dagan ko og School president kalooy sa Ginoo wala jud ko kadaog kay kalaban nako ang among maestra nga nagunit sa student council mao nang pildi ko bisan daghan og Boto.

8.Nanganondoy ko nga mahimong Bokalista sa banda apan wala ko naka dayon kay pangit kog tingug og gamay ray nadato nga bocalista nga taga dabaw tungod sa pirated DVD.

Busa kamo nasad.

Kung naa moy higayon kamo na pod! Ahaha hawda ha?

Eric
Jacob
Darlyn
Mae
Val
Borgee
Clarence
Kurt

dili na lng nako binisay-on kay daghan nga mga higala nako nga english ilang version.

And the RULES are:
1. Each player starts with eight random facts/habits about themselves.
2. People who are tagged need to write their own blog about their eight things and post these rules.
3. At the end of your blog, you need to choose eight people to get tagged and list their names.
4. Don’t forget to leave them a comment telling them they’re tagged, and to read your blog.

Usa ka bisaya sa Wallmart

2008-09-19T00:01:00.000-07:00

Usa ka Personahe sa Wallmart ang gihatagan og responsibilidad nga mo tuki o mo interbyu sa mga aplekante alang sa usa ka posesyon sa ilang kompanya. Og sa pagkahoman sa pag pamili sa mga “resumes”, naka pili siya sa mga kwalipikadong aplikante nga nagkanayon – Amerikano, Kanadyan,Australyano og usa ka bisaya nga Pilipino.

Naka disesyon siya nga tawagan ang upat aron pangutan-on sa parehong pangutana. Ang ilahang tubag maoy mahimong sukaran sa ilang pagkadawat sa mong kompanya. Unya niabot ra gayud ang adlaw sa interbyu og sila gipangutana sa tagsa-tagsa.

Interbyuwer: "What is the fastest thing you know?"

Dave (Amerikano): "A THOUGHT. It just pops into your head. There is no warning that it's on the way; it's just there. A thought is the fastest thing I know of."

Pagka hawud na lang nipalakpak ang nag interbyu.

Interbyuwer: "And now you sir?" Gi pangutana ang Kanadyan.

Wilmer(Kanadyan): "Hmm.... let me see. A blink! It comes and goes and you don't know that it ever happened. A BLINK is the fastest thing I know."

Interbyuwer: "Excellent!" Kulba sab.

Og niatubang siya kay George usa ka Australyano nga nag huna-huna pod sa iyang tubag.

George (Austrayano): "Well, out at my dad's ranch, you step out of the house and on the wall there's a light switch. When you flip that switch, way out across the pasture the light in the barn comes on. Yep, TURNING ON A LIGHT is the fastest thing I can think of."

Interviewer: "Excellent! The blink of an eye, that's a very popular clich? For speed."

Og naka ingun ang interbyuwer nga murag lisud na gayud pidihon ang kakusgon sa suga laliman ka pas-pas na jud kaayo. Murag naa na siyay napilian, dayon lingi sa Bisaya og gipangutana sa susamang paagi.

Ni tubag usab si Felimon, "Apter herring da 3 preybyus ansers sir, et's obyus to me datthe fastest thing is Diarrhea."

“What!?” naka singgit og ahat ang interbyuwer sa tubag sa Bisaya. Unya nangatawa sab ang uban sa iyang tubag.

"Oh, I can expleyn sir,." matod pa ni Felimon. " You see, sir, da aderday my tummy was peeling bad and so I run so fast to the CR, but before I could THINK, BLINK, or TURN ON THE LIGHT, 'hesumeryosep, sir, I had alreydi Shit in my pants!"

Og karon si Felimon taas nag ranggo sa Wallmart. Hayahay na kaayo ang kagwang.

Super Tulog

2008-09-10T19:13:00.000-07:00

Ayaw kamog kabalaka, ayaw kamog kahadlok, ayaw kamog kaulaw, ayaw kamog katahap, ayaw kamog kalisang kay ang atong magbalantay kanunay nagatukaw aron pag panalipod kanato sa kadaotan, muluwas kanato sa disgrasya, mo salipod kanato sa katalagman, mo taming kanato gikan sa mga daotang elemento.

kusgan! intelehente! paspas! isog! og naay kalooy og ang kasing-kasing alang sa katawhan. atong palakpakan og sugaton sa masibong pagsinggit.

Mabuhi ka superrrrrrrrr.

oi asa naman to? ehehe :P taymsa kay murag gikapoy pa siya. ehehe

bisan ang mga kusgan og gamhanan kinahanglan pod og tulog.
busa kamo pahulay sab panagsa nasin masobrahan ka.

Havaianas vs. Spartan

2008-09-07T20:12:00.000-07:00

VS.

Pangalan: Havaianas

Asa ni gikan: São Paulo, Brazil

Unsaon pag-litok:
ah-vai-YAH-nas (Brazilian Portuguese)
hah-vee-ah-naz (American English)
hAH- va- yaH-naZz!! (Binisaya)

Materyales nga gigamit sa paghimo: lig-on og kuyaw nga goma (High-quality rubber).

Presyo: wala ko kabalo murag ani nalang.
1 pares nga Havaianas = 100 pares ng Spartan

Mga nag sul-ob: Mga alta soyodad og mga adunahan.

Mga kuyaw nga gibaton nga abilidad og kinaiyahan:
- Lami isuot.
- Musuyop sa batsi "Shock-absorbent".
- Humok pero lig-on.
- Daghang kapiliang kolor, disenyo og burloloy.
- Pwede sooton sa "Basti's Brew" og nagkadaiyang kuyaw nga suroyanan.
- Ayos pang porma.
- Ok kaayo i-terno sa I-Pod og "skinny jeans".
- Mapugos kag panlimpyo sa imong koko sa tiil.
- Pwede ka mag number 4 sa sulod sa sakyanan nga ginagamit sa katawhan sama sa jeep.
- Fashioble ka bisan wala kay ligo.

way ayo nga kinaiyahan:
Mahal!
Mahal!
MAKA PURDOY!

-----------------------------------------------------

Pangalan: Spartan

Asa gikan: Philippines

Unsaon pag-litok:
spar-tan (American English)
is-par-tan (Binisaya)

Materyales nga gigamit sa paghimo: goma sa kilid-kilid (Low-quality rubber).
Presyo: dili motaas sa 50.
isa ka pares nga Spartan = panihapon na.

Mga nagsusuot: Ako og ang masa! Ayus!

Mga kuyaw nga gibaton nga abilidad og kinaiyahan:
- Pwede ipatay og ok-ok.
- Pwede ibunal sa mga batang gahig ulo.
- Pwede i lakaw-lakaw sa baha og lapok.
- Pwede isoroy og lamaw.
- Ayus gamiton sa "Tumaba Lata" .
- Ayus gamiton nga 'shield' kung mag dula og esparing.
- Ayus ilabay sa iring nga sungkaban.
- Pwede ipatay sa watusi.
- Kung imohang guntingon nga pina lingin pwede gamiton pang palutaw sa bingwit og ligid sa tarak-tarak.

Way ayo nga abilidad og kinaiyahan:
* Dali ra mawala ang pares kay daghan og kaparehas kung souton.
* Sakit souton sa tiil labi nag daghan kag balhibo sa kumagko.
* kung dili kaigo sa iring nga sungkaban pwede madamay ang ubang tsinelas labi na ang Havaianas.

asa man ang mas nindot?

Ang Kadaugan og Ang Ganti

2008-09-02T17:22:00.000-07:00

sa wakas nahuman ra gayud ang akong pa-kontest. ang dugay natong gihulat adia na. busa ako nang i sulti ang maong kasulbaran sa maong pangutana. sa akong suking mga manukiay "unsa man ang paboritong color sa among silingan?"

ang TUBAG nagkanayon.

pale yellow - a variable yellow tint; dull yellow, often diluted with white

(the chromatic color resembling the hue of sunflowers or ripe lemons)

kay siya hanap nag panan-aw maong pale na ang yellow murag makit-an sa langit og dool na sa prutas og combinasyon kini sa hulagway nga daw napapa na sa kadugay.

subo kayo nga paminawon apan walay nakadaog sa maong patimpalak.
apan ayaw kasubo kay daghan pang mga kontest nga mu-abutay og ang tubag magkanayon
salamat sa pag apil pero.... PILDI KA!

Hangtod sa sunod mga amigo, mga amiga og mga suki kong manukiay.
Daghang salamat og dako kaayong garbo nga kamo nakauban nako diri sa pagtuki sa mga butang nga angay hinuktukan.

ADIOS~

kontest

2008-09-01T02:02:00.000-07:00

sa kadugay nakog post sa akong blog karon pa jud ko mag pa-kontest. busa pangapil mong tanan! ang maka tag-an hatagan nakog ganti. 10$ sa iyang paypal.

tagnaa lamang ang paboritong color sa akong silingan! ang maka tag-an bulahan.

pinaka unang maka tagna 10$, ang mga musunoray 5$. akong ipahibalo kung kinsa ang mudaog pinaagi sa youtube og i announce nako ang dri sa akong blog. Mabuhi tang tanan! wahihi. :P

maka-lilisang nga mga estratehiya

2008-08-31T19:38:00.000-07:00

matag usa ka lalake adunay pangandoy nga maka hatag og labihan nga kalipay ngadto sa iyang pangandoy nga babaye. daghang estratehiya nga mahimo apan ang pag dala kaniya ngadto sa "kabalo naka" dili lisod kung kabalo lng ka sa pamaagi unsaon pag giya sa iyaha. busa migo andama ang imong kaugalingon, ania.

ang upat ka estratehiya
1. ipadool siya sa kainit nga pagbati - mamahimong painton ang usa ka babaye pinaagi sa mga estorya nga hamloy og ipatagamtam kaniya ang kainit pinaagi sa pagpadayag sa pagbati mamahimong dagit-ag sa matag-usa kaninyo. bisan nga dili siya hikapon kung kabalo lng ka mupadula sa iyang huna-huna og imahenasyon mamahimo nimong ipabati ang tumang kainit sa iyang panit.

2. gamayng tapsing - ang gamayng tapsing mao ang uraray nga pag bag-id sa imong lawas ngadto sa iyaha. sama sa pagunit sa iyang mga kamot og bukton. guniti usab sa hamloy ang iyang mga buhok. kini makapahatag og labihang kagilok nga kasinatian.

3. ang pagpadool - ang pagbagid sa imong lawas pinaagi sa pagtapad sa iya samtang siya galingkod og pagpadool samtang galakaw. hong-hong dool sa iyang dalunggan og ipabati ang kanit sa imong ginhawa. pag tutok sa iyang mga mata og hinay-hinay ngadto sa iyang ngabil. mao na kini ang hudyat ngadto sa kamatooran.

4. ang paghalok - ang mga babaye ganahan og mga halok. busa ipasinati kaniya ang pinaka nindot nga halok sa tibook kalibutan pinaagi sa hinay-hinay apan mainit nga pama-agi. sugdi sa taas hinay hinay ngadto sa iyang lawas. og ang mga sunod nga mga panghitabo ikaw nay bahala.

mao kini ang mga estratihya usaon pag dala kaniya sa tinood nga kamatooran. oi kakuyaw. usa ka pahinumdom ayaw gayud pagdali kay aron dili ka matunok. ahihi.

ikaw ra gayud

2008-08-27T21:54:00.000-07:00

inday ihalad ko kanimo kining akong pagbati
nga dili lawasnong kainam og kinatawong kainit.
kundili tiunay nga gugma alang kanimo.

akong kab-uton ang bulan og mga bitoon
og ihalad ko kanimo taliwala sa imong dughan.
ikaw ray akong panggaon hangtod
sa kataposang pitik ning akong kasing-kasing.

kay susama ka sa usa ka bulak
susama ka sa sidlak sa adlaw nga dili matukib
daw sama sa usa ka balod nga ang paghampak sa aping
sa akong kasing-kasing
nga mao ray bugtong gihulat.

taliwala sa akong mga pag paningkamot
taliwala ning tanang pangandoy
nga ikaw akong magasahan sa tanan.
ako mag pabilin ning maong paghandom
mga ikaw akong makauban hangtod sa katapusan.

busa bukikia og bulikata ang tinood kong gugma
arong imong masayran ang kamatooran
nga ikaw og ikaw ra gayud ang hinongdan ning tanan

by jigs of pagtuki

hayahay

2008-08-26T23:03:00.000-07:00

sa akong mga suking manukiay. kung nahibolong mo nganong wala pa koy natuki. nag pahahayay sa ko ug dyutay. busa kamo pag pahayhay sab kay aron maka deskanso sab mog gamay.
salamat :P

Pakapin sa Bobot

2008-08-19T23:40:00.000-07:00

Ang bobot.
Katong ako bata pa
Ang bobot naa na.
Gipalit sa akong Mama
Para Igasa
Sa iyang anak na Pirting dalu-a
Sa bobot nga hastang lamia

Oh! bobot nga gibalot, giubanan sa singsing
Gihatag sa akong higalang anak ni Susing
Ang bobot akong gikaon kauban sa iyang igsoon
Ug ang singsing akong gisuot sa iyang kamot, nga akong ginakomot

Akong gihungit sa iyang bag-ang

Nga pila ra ka ang-ang
Samtang gina usap, gatipaktipak sa iyang ba-ba
Kagumkom sa akong dila, nga hasta ka basa

Sa karong kami na mga hamtong
Bobot dili na ginakaon
Crying baby, Yuckee, American ug uban
Mao na ang ginailugan, sa mga batang palaban

Ug karong ako dako na
Ang Bobot akong nakit-an pa
Didto sa Tindahan, mga tira-tira ang kauban
Wa nako gipalampas, nga paliton, ang kending gikadak-an

Sa akong pagkuha akong nakita, ang presyo wa nagka baba

Ang sa unang tulo piso, karon isa piso

Ang sa unang lima kabuok

karon 3 nalang! ay kagilok

Oh Bobot…Bobot…Oh bobot…
Kasakit sa akong buot
Nga ikaw hikalimtan, kauban sa gugma kong kaguot
Unta ikaw pa makit-an, hangtod sa kahangturan
Kauban sa akong gibati sa higala kong dako ug mani.

napulo ka hinungdan

2008-08-18T17:57:00.000-07:00

Adunay napulo ka hinungdan nganong dili angayan nga ibutang ang imong hulagway sa "internet".
kay karon daghan na gayud ang mga tao nga siaw, limbungan og huna-huna, katol og kamot, mga way mahimong lingaw, mga drug adik aw unsa ba dili diay. kana gung mandaot sa isig ka ingun kuno. busa ipakita ko kaninyo nganong dili man jud angayan nga mag butang kitag hulagway sa atong nawong diri sa gitawag natog internet. :d

unya ibutang pa ninyo ang inyong mga dagway sa internet?

estorya sa usa ka binilanggo

2008-08-14T21:42:00.000-07:00

Adunay usa ka tawo nga nakapatay og nakahimog sala sa iyang katilingban. Busa siya gisilutan
og gibilanggo tungod sa iyang pagkasala. Nasubo pag-ayo ang tawo tungod kay reklusyon perpetwa man ang iyang silot og pagka bilanggo sa iyang tibook kinabuhi. Nagbasol siya sa iyang mga kasal-anan apan ulahi na ang tanan og dili na mabalik ang kagahapon.Sa sulod sa prisohan wala niya nadawat ang kamatuuran og wala siya nakipag himamat sa laing mga binilanggo. nag inusara siya sa sulod sa pila ka bulan, nag basol gayud ang ang tawo og nag-antos sa kanunay sa kamingaw og katugnaw sa mga rehas sa selda. Apan sa iyang paghinuktok aduna siyay nahikaplagan nga ok-ok og sa dihang iya na unta kining tamakan, nisinggit ang ok-ok og "ayaw noy malooy ka!".

labihang ka kurat sa maong binilanggo kay ni-estorya man ang maong ok-ok. og dali-dali niya ning gipunit og gipatindog sa lamesa. Hastang lipaya sa maong tawo kay nakipag estorya man kaniya ang ok-ok .busa dilina siya malaay og masubo sa sulod sa prisuhan. Sa kadugay nilang uban-uban natudloan niya ang ok-ok og sayaw, kanta, tula, og daghan pang mga talento. Nalipay pag ayo ang tawo og wala niya namatikdan na nilabay na diay ang pila ka tuig sa prisohan.

Og tungod kay nakit-an sa gobyerno nga maayo na ang tawo og buutan na siya gitagaan siyag parol o kapasayloan sa iyang pagkasala. Nalipay pag ayo ang tawo kay kung maka gawas na kuno siya dili na siya mag lisod pag pangita og trabaho kay aduna naman siyay ok-ok nga kabalo mo estorya og makapalingaw sa katawhan maong dali na siya maka kwarta isip usa ka "stage performer". Og wala nadugay niabot ra jud ang panahon nga nakagawas na siya.

Sa iyang pag gawas nag dali-dali og adto sa restaurant ang maong tawo og nikaon og lamian nga pagkaon kay tungod lagi gusto niya isaulog ang iyang kagawasan. Og sa iyang paghulat sa order gipagwas niya ang iyang ok-ok og gipatong niya sa lamesa, iyang gipasayaw og gipa estorya. labihang kalipay nga gibati sa tawo, og sa pagbalik sa waiter dala ang iyang sud-an nakuratan ang waiter og gihapak ang iyang ok-ok og napislat kini sa lamesa. Namatay ang ok-ok! nisinggit ang tawo og nikuha sa kutsilyo og gipatay ang waiter. tungod ani nabalik ang tawo sa prisohan og didto nahuman ang estorya sa usa ka ok-ok. :D

mga pinangga

2008-08-11T18:52:00.000-07:00

duna ba kamoy mga alagang hayop? ako naa pod koy mga pinalanggang mananap. bisan tood mananap sila pero gihatagan nakog igong pag-tagad og pagpangga. kung aduna kay mga hayop nga gi alimahan. isipa nga sila usa ka myembro sa pamilya og pang-gaa sila kay sila usab adunay pag bati. dili ma kambyuan ang kalipay nga ilang mapadayag og mahatag sa imoha.
busa ipa ila-ila ko kaninyo ang akong mga pinangga.

og maghatag pod kog tips aron ang inyong mga alaga dili mingawon sa inyo kung kamo mulakaw sa inyong work or sa eskwela.

Name:

Randy ang "talking mayna"
estorya: sa una upaw ni si Randy pero natuboan ra siya og buhok kaduganayan. nalipay ko kay siya long hair na karon.
mga abilidad: kabalo musulti og
ayoooo
nay
pangit
kabalo mukatawa
mu-ubo
copy copy over
mutaghoy
og daghan pang wala na ko kasabot

Name:
Jok-jok (sa taas naay blue nga hikot) og si Ran-ran (sa ubos naay pisi nga hikot :p)

jok-jok
kiat nga iro
kusog mo-usig
hinay mukaon
tambok
abi nakog mamaak og laing tawo pero musimhot ra diay
nabalingtong ang among bisita tungod sa iyaha

Ran-ran
bootan kaayo ng iro
lambing
mupatay og manok
grabe mu-alaga og itoy
hinay mukaon

Mushu de Bon (alaga sa akong uyab nga si Chin)

anak siya ni Ran-ran
bootan
kusog mangusig
hilig og bugnaw
dilimukaon og kan-on
kusog mo tan-aw sa bintana
gusto mag sige og lakaw-lakaw
dili ganahan og butiki, ok-ok, og iring
lambing og kusog mo kiss

makalingaw ang mag alaga sa ilaha maka wagtang sa kalaay og maka pahalipay sa imong kinabuhi. kamo aduna sab bay maka lingaw nga mga pets?
pero usahay naa juy mga higayon nga kamo mulakaw sa balay, ang mga bata mu eskwela na og ang uban mo trabaho pod. og ang inyong mga alaga mahimong masulob-n sige nag kaluya og manghasi na hinoon. usahay ang iro malibang og mukit-kit og tsinilas og mupa-ak sa sofa og makadaot na sa mga butang sa balay. tungod kini kay gimingaw sila sa imoha og sa mga kauban niya sa balay. busa ahuna koy tips para mawagtang o makuhaan dyutay ang ilang kasubo.

tips

1. ipabilin nga gaandar ang TV sa balay para na silay makalingawan og tan-aw.
2. hatagi silag mga dulaan para sab malingaw ang inyong mga alaga.
3. isoroy pod ang inyong iro sa silingan.
4. og palihog pasensyahe ang inyong alaga kay kadugayan makasabot pod na sila sa inyo nga kinhanglan mo mulakaw og maanad pod na sila.

sige hantod sa sunod. :d

Bata sa Dalan

2008-08-07T19:35:00.000-07:00

Ganahan ba mog mga bata? ako ganahan sab mao nang nangulikta ko og mga hulagway nila pina-agi sa suroy-suory sa dalan sa internet. og ubay-ubay pod ang akong nakit-an. ang mga bata gitago na lng nako ang ilang pangalan aron sila ma protektahan sa kadautan.
mga kabataaang Pilipino mao ba ni ang atong kaugmaon?
ang sumosunod sa atong yutang natawhan?

maayong bata hilig ug eskwela (murag isogon man ning bataa)

artistahin kuno (ok kaayo og tupi)

ahhhhh kalami.... (maka patuyok sa panan-aw)

sakit man akong tiil oi (panghatag pod mog tsinilas oi)

mag pa piktyur ka? (walay film kuno)

hala! hapit nakuha ang iyang kuan oh (walay brief)

gutom na dyud kaayo? (unsa kahay sud-an?)

asa naman akong ka lab team oi (piolo?)

ako ba imong gipangita? (angel?)

lalom ang gihuna-huna (basig wala pa ni pamahaw)

alanganin ang ngisi (mura mag nahadlok)

ako daw ni (murag layo ra man)

mga batang pinoy atong bag-uhon ang atong gubyerno. mabuhi tang tanan!

Plz VOTE Arangkagana Pilipinas @ MDS Music Awards for the Best Raggae Artist.. MIX MDSRAGGA C, Send to 2299 . RESPECT!! ARANG KAGANA

Istorya sa usa ka Katabang

2008-08-05T17:34:00.000-07:00

Usa ka estorya bahin sa usa ka katabang nga si Inday.gihimuan nakog bersyon sa pagtuki aron malingaw tang tanan.

Tungod sa ka kalisod sa kinabuhi sa bukid og sa probinsya si Inday nisulod og nanarbaho sa Siyudad sa Davao og gi-interbyo sa iyang Amo.

Amo: kinahahglan namo og katabang para manlimpyo sa balay, magluto, manlaba. mamalantsa, mamalengke, og magbantay sa mga bata. Kaya ba ni nimo tanan?
Inday: I believe that my trained skills and expertise in management with the use of standard tools, and my discipline and experience will contribute significantly to the value of the work that you want, my creativity, productivity and work-efficiency and the high quality of outcomes I can offer will boost the work progress.
Amo: [nosebleed]

Nilabay ang pila ka adlaw, niuli ang amo, nakit-an niya nga naay bukol si Junior.
Amo: Nanong naa man bokol si Junior?
Inday: Compromising safety with useless aesthetics, the not-so-well engineered architectural design of our kitchen lavatory affected the boy's cranium with a slight boil at the left temple near the auditory organ.
Amo: [nosebleed napod]

Sa pagkagabii nanihapon sila.
Amo: Nanong parat man ang sud-an?
Inday: The consistency was fine. But you see, it seems that the increased amount of sodium chloride (NaCl) affected the taste drastically and those actions are irreversible. I do apologize.
Amo: [nosebleed napod]

Donya: Nanong inig uli nako maabtan man tika nga sigeg tan-aw og TV?!
Inday: Because I don't want you to see me doing absolutely nothing.
Donya: [nakuyapan]

Pagkaugma, giubanan ni Inday si Junior sa Principal's office, kay dili maka adto ang amo og ang donya.
Principal: Gisumbag ni Junior ang iyang klasmeyt.
Inday: It's absurd! It was never a fact that he will inflict a fight.
I can only imagine how you handle schizophrenic kids on this educational institution. Revise your policies because they suck!
Principal: [nag resign]

Pag-abot sa balay, naa ang amo pirting sukoa.
Amo: Inday! nganong nagkalat man ang basura sa likod sa balay?!
Inday: A change in the weather patterns might have occurred wrecking havoc to the surroundings. The way the debris are scattered indicates that the gust of wind was going northeast causing damage to the path it was heading for.
Amo: [nosebleed napod]

Samtang nagaluto si Inday og panihapon, kiat kaayo si Junior.
Inday: Stop your raucous behavior. It is bound to result in property damages and if that happens there will be corresponding punishment to be inflicted upon you!
Junior: [nidagan sa CR, giaphiran ang nagdugo nga ilong]
Pagkahuman og luto, nitan-aw og TV si Inday. Nkabalita nga ni hawa si Angel Locsin sa GMA 7.
Junior:Nganong nihawa man si Agel Locsin?
Inday: Sometimes, people choose to leave not because of selfish reasons but because they just know that things will get worse if they'll stay. Leaving can be a tough act, and it's harder when people can't understand you for doing so.
Junior: [gisunggo napod]

kadtong gabhiuna, nag text si Inday kay Dodong, ang driver sa silingan, gusto maki pag text-mate.
Inday: To forestall further hopes of acquaintance, my unfathomable statement to the denial of your request - Petition denied.
sa wa madugay, tungod sapakigbisog ni Dodong, nag uyab sila ni Inday. Pero wala nag dugay ang ilang relasyon, og nakipag-break si Inday kay Dodong.
Inday: The statute restricts me to love you but you have the provocations.The way you smile is the proximate cause why I love you. We have some rules to think of. We have no vested rights to love each other because the upper household dismissed my petition!
Dodong: Perhaps you are mistaken, what you seem to contrive as any affections for you are somewhat half-hearted. I was merely attempting to expand my network of interests by involving you in my daily recreation.Heretofor, you can expect an end to any verbal articulation from myself
Naay ni agi nga basurero, og nakisusi sa ilang panag-lalis.
Basurero (nisulti kay Inday): Be careful in letting go of the things you thought are just nothing because maybe someday you'll realize that the one you gave away is the very thing you've been wishing for to stay.

Nadunggan ni tanan sa Amo ni Inday
Amo: [nagpakamatay].
=the end=

mga tips para maka-palagot og maka-pasuya sa mga tao.

2008-08-03T22:31:00.000-07:00

gusto ba ninyo mupasuya og mupasuko og tawo. nakapoy na ba mog sigeg paka tawa.
naa koy tips para mkapalagot mog tawo sa lahi-lahi nga mga sitwasyon.

1. kung naa moy sakyanan, ang wiper ipa andar bisan walay ulan. kung naay mangutana ingna nga para kondisyon ang wiper kanunay.
2. kung naay mangutana, og makipag estorya sa imoha tubaga lng kanunay og "mao na sa imong tan-aw".
3. signal lng pina-agi sa pag sampong sa imong dalunggan kung gusto naka muundang sa pakipag estorya.
4. kung naay mag ihap, pag ihap pod ug imo, kusga ang mga numero og baliktara.
5. i adjust imong tv sa color green, unya ingna sila nga ganahan ka nga ingon ana imong tv.
6. kung mag estepler ka i-istepler sa tunga sa papel.
7. tawaga ang mga tao nga wala nimo nailhan, i wagayway imong kamot sa ilaha unya sitsiti.
8. kung naa mo sa office tawaga tanang tao og angkol bisan babae pa na siya.
9. kung naa kay kwarta palit og daghang "traffic sign" ikalat sa karsada pagkahuman i video sila.
10. balik balik lng ug storya ani. "oi kadungog ka adto?" "karon gud" "aw wala na hinoon"
11. ibalik-balik ang imong mga ringtone sa cellphone, kusga pag-ayo sa daghang tao.
12. pangutan-a ang mga tao kung unsa sila babaye ba o lalake bisan nag soot pa silag palda.
13. ipakita nga mahadlok ka og telepono.
14. pangutan-a ang imong kauban sa trabaho og mga maka duda nga mga panutana, pagkahuman isulat kuno sa papel
unya mag hong-hong ka nga hapit na sila mabuang.
15. ibalik-balik og kanta ang imong paboritong kanta sa lyrics nga "la la la la".
16. pag dala og plastik nga sundang unya ingna ang mga tao nga manimalos ka sa pagkamatay sa imong amahan.
17. adto sa mall, pag sulay og daghan nga mga sapatos pagkahuman lakaw dayon ingna nga dili ka ganahan og sapatos.
18. kung mukaon ka sa gawas ibalik ang imong mga pagkaon ingna nga dili to mao imong gi-order.
19. kung naay makipag storya sa imoha balibaliki og pangutanan kung nasuko ba siya.
20. kung driver kag jeep brake kanunay og kusog unya ingna imong mga pasehero nga naay nitabok, ibalik lng hangtod mana-og silang tanan.
21. kung makipag storya ka igham (ehem) lng sa ika tulo or duha ka estorya nimo.
21. inig maglakaw ka pag tulak og kariton nga dili makita unya pag saba-saba daw sama sa usa ka kariton.
22. kung naay makipag-estorya sa imoha panutan-a lng kadahuman niyag storya nga "unya unsay nahitabo?".
23. kung naay mag tapok singgiti lng og "terorista!".
24. tawaga imong mga silingan nga "basurero" basta masugatan nimo.
25. kung musakay kag elevator singgit lng og. "ahhhhhhh mangamatay tang tanan!"
26. abrihi sa makadaghan imong bag unya pangutan-a kung maka ginhawa ba siya.
27. kumbinsiha imong mga kaestorya nga amang ka, pagkahuman pag senyas-senyas og pinataka.
28. paatik-atik nga dili ka makit-an o imbensibol ka.
29. kung maglakaw ka pag himo og mga tingog sama sa usa ka kotse. "broooooom broooom"
30. adto sa MCdo unya pangitaa si jolibee.
31. kung naa kay vacuum, i-vacuum imong nataran og mga tanom.
33. tawag sa polis station unya singit og tabaaaaang.
34. kung naay mag type sa computer palunga unya pangayo og pasaylo ingna kinahanglan nimog concentration.
35. kung mag withdraw ka sa ATM, ingna ang nag sunod sa imoha nga ayaw og tan-aw, kawatan siya.
36. kung naay kay makit-an nga tao padulong sa imoha usiga. aw! aw! aw!
37. dagan og mayor unya ingna ang mga tao nga mangulikta ka og tax nobenta porseyento
38. pag kanta sa video-oki og kusog kaayo hangtod nga singgitan ka sa imong silingan.
39. kung makipagstorya ka hinayag maayo nga dili sila ka dungog hangtod nga sige ka nilag pa balik-balikon og storya.
40. tawag sa telepono ingna biskan kinsa nga naa sa imoha ilang anak, "Hostage nimo".
41. ibalhin-balhin ang estasyon sa tv kada 3 ka segundo.
42. kung maka kita kag sosyal nga tao ingna nga naa siyay kugmo unya panutan-a kung gusto ba niya ikaw mukuha.
43. ibutang imong sapatos sa lamesa.
44. pangutana unya simohota ang ilang ilok.
45. pag soot og kapa ni super man unya pag-ambak-ambak sa dalan.
46. pag toon og "morse code" unya gamita ni sa imong pakipag storya. beep, bip, beeeep.
47. hapak-hapak sa bisan asa pina-agi sa duha ka stick kanang mura gud kag drummer.
48. kung naa ka sa sinehan katawa og kusog bisan walay kataw-anan.
49. kung mag lakaw ka unya naa kay masugatan tudlua ang salog unya singgit ug "hala!"
50. og daghan pang pa imong mahimo para maka pasuko og tawo og makapasuya. mas dali kini kaysa mag pakatawa.

TIPS PARA MAHIMONG BUSY

2008-08-01T00:44:00.000-07:00

mao kini tips og pahimangno para mahimong busy og mahimong kugihan sa mata sa uban in other words "hard working". dali ra ka i-promote sa imong amo kung mahinayon. pamili lang og sitwasyon nga sa inyong tan-aw epektibo ni himoon sa maong higayon.

1. ayaw og lakaw sa sulod og dapit sa imong opisina nga walay papeles og dokyomento sa imong mga kamot. ang mga tao nga naay papeles mao toy muadtog miting og mga tao nga kugihan. ang mga tao nga walay dala murag muadto lng sa cafeteria para mukaon, og ang mga tao nga naay dyaryo nga dala murag muadto sa "CR" para mag basa.

2. kung kamo anaa sa opisina mag atubang sa computer para mura jud kag busy. mag send kunuhay og e-mail. mag kalkyola og mga numero alang sa imong trabaho.

3. ayaw kalata imong lamesa, nihoon i pile ang daghan nga papel. kung makabantay mo nga naay padulong sa imoha, ibutang ang ilang papeles ilawom sa uban para murag daghan jud ang imong trabaho.

4. ipakita nga dili ka kahulat, kanunay gadali og gisapot. mao kini maka hatag sa inyog impresion sa imong amo nga ikaw labihan gayod ka busy og kakugihan.

5. ipakita nga dugay ka muuli sa inyong balay, labi na kung anaa pa imong amo. ug hinomdumi pakita sa iya nga dugay jud ka muuli.(labay sa tungod niya)

6. pangagho (sighing). pangagho og kusog samtang daghan pag tawo sa palibot nag pahibalo nga na ipit ka sa daghang trabahoon.

7. mangita kag dukumento nga baga. i tapok sa imong lamesa nga daw nag basa kag daghan.

8. pangitag mga bag.ong pulong nga pwede nimo isulti kung maginisturyahanay na. mga bag-ong produkto og mga makalisang nga balita. hinumdumi dapat dili ka nila masabtan, apan ipakita nga ikaw eksperto.

og ang pinaka ulahi ayaw kini isaba sa imong amo. basin uroy masakpan mo. :d

unsay kahinaan sa mga bisaya

2008-07-31T22:24:00.000-07:00

Dako nakong kahibulong nganong sa mga salida sa TV og sa mga nag kadaiyang "talk shows" nga akong na pamanid-an nga gina-pakita nila sa katilngban nga ang mga bisya kuno gahi ug dila. Sakto imong nadungog igsoon. Ang mga tawo kuno sa kabisay-an gahi og dila labina sa pag litok sa mga iningles nga pulong.
Bisan tood nga anaa ko sa siyudad sa Davao og ubay-ubay sab baya ang tulunghaan diinhi apan daghan gihapon ang makahimoot ang ilang pag litok sa iningles, labina sa mga bukid-bukid na nga parte sa lungsod. Kataw-anan man nga huna-hunaon apan sakit pamalandungon nga kini usa ka balakid sa paglambo sa atong gina-tawag nga communication skills.

Mao nang nag-conduct ko og survey kung unsa ang pulong nga labihan maka libog sa mga tawo kung usa ka bisaya ang mulitok niini. Kini mao ang nagkadaiyang "words" sa ininglis nga nasipyat ang uban sa pag litok.

ang english sa isda - PIS
ang english sa papilit - PIS
ang english sa kalinaw - PIS

ug unya kung panguta-on asa nag puyo naa kuno sa PIS one kundili ba sa PIS two.

Mao nang kaninyo mga igsoon akong gihangyo nga itudlo sa atong isig ka bisaya kung unsay kinahanglan natong buhaton sa maong "weakness".
kung kamo aduna pay mga ika sugyot nga mga pulong palihog lamang ibahin nganhi sa atong pagtuki. daghang salamat. ug sa maka usa pa kini ang inyong alagad sa pagtuki,
si JIGS nga nagasulti PIS be wid you. piskot :$

Balita og uban pa

2008-07-30T19:17:00.002-07:00

Boot nakong makabalo sa mga maayong balita sa atong katilingban. og sakto! adunay balita nga nahikaplagan. suma sa tagapagpabalita adunay usa ka "rapist" ang gipangita. nag tampisaw og nag suroy-suroy sa dalan pagka way puangod ning tawhana hina-ot mabilanggo na ni siya. kung kamo makakita niining tawhana palihog i-report sa hadool nga estasyon sa pulis og sa mga hingtongdan.

gusto ba ninyong mukaon og hotdog nga lami. mao ning ang sekreto sa pag luto,mas epektibo.
dako nakong pasigarbo sa mga naka tapos sa ilang koleheyo. atong palakpakan ang bag-ong graduates!

og ang pinali. usa ka malang mananap nahikaplagan sa baybayon sa pilipinas makalisang!

trivia

2008-07-28T19:49:00.000-07:00

ganahan ko og mga trivia kay maka lingaw man unya maka dugang pod nig kaalam sa atoa busa nangita kog mga maayohon og gikaloy-an man pod kay nakakaplag koy dyotay. busa mao ni ang mga triva. (unsa kahay bisaya sa trivia no?)

1. dili mahimong tilapan ang imong siko.
(lisod baya)
2. ang mga alibangbang makatilaw pina agi sa ilang mga tiil.
(naa sigoroy dila iyang tiil no..)
3. ang tingug kuno sa pato dili mo "echo".
(hinay man gud)
4. ang elepante mao ray mananap nga dili maka-ambak.
(nganong muambak man pod siya)
5. ang baka mamahimong mo saka sa hagdanan apan dili na xa maka naog.
(naanad sigoro nig elevator)
6. ang mga babaye doble ka kusgon mo pitok2 sa ilang mata kesa nga lalake.
(murag beautiful eyes ni)
7. ang mga kuhol kuno maka tolog daw sa sulod sa 3 ka tuig.
(unsa kaha kadako ang muta niya inig mata no)
8. ang electric chair naimbento sa usa ka dentista.
(pakurintihan cguro niya ang mga mag paibot og ngipon)
9. mas nauna pagka imbento ang lighter kaysa posporo.
(oi kakuyaw)
10. ang mga buwaya dili maka balo mupagawas sa ilang dila.
(bleh..)
11. gi istema nga sa imong tibook kinabuhi usa ka tuig igahin nimo sa pag pangita sa mga butang nga imong nawala. (mao jud sayang man gud)
12. ang mga intsik daw maoy naka una sa pag pangilo gamit ang toilet paper.
(unas man sa mga pilipino tingali)
13. mani ang premerang putahi sa paghimo sa denamita.
(oi muboto diay ang mani)
14. kung maka utot ka nga way undang sulod sa unom ka tuig og siyam ka bulan, mamahimo kining maka tupong sa gikosgon sa atomic bomb.
(maygani panagsa ra ta mangutot)
15. mga traynta minotos usa muundang ang kalami nga mabati sa usa ka baboy kung makipag sex siya.
(kahayahay)
16. mamahimong mabuhi ang ok-ok sulod sa siyam ka adlaw nga walay ulo.
(mamatay na lng siya sa kagutom)
17. ang bayang-bayang (praying mantis)dili maka padaghan kung wala siyay ulo.
(putlon sa daw ang ulo sa lalaki usa sila ka sex,unsaon na lng)
18. ang pulgas maka ambak 350 ka doble sa iyang katas-on sa lawas.
(oi bantog ra)
19. ang starfish daw walay utok.
(maayo pa ang bulinaw)
20. ang ihi sa iring kay musiga sa ngit-ngit.
(ang sa iro kay mahimo man daw nga kaupas)
21. og ang tanang naka basa niining triviaha 75% ang ni sulay pag tilap sa ilang siko.
(hehehe :d)

basin kamo naa poy maayo nga trivia i paambit lng pod.
og mao ra tong akong ikagahin sa pagka karon. unta nakahatag kinig gamayng kaalam kaninyo.

tanawa!

2008-07-25T01:21:00.001-07:00

Perti nakong ambak dihang na check nako sa usa ka website ang "reading level" sa akong
blog ania ang result ay. Tiaw mo na nag pamatood jud ni nga ni uyon ang ubang website sa akong pagka genius Hesusmaryahosep. kung kamo uyon niana pak-pak sab mo sa inyong mga
kamot.

kung naa na moy result sa inyong blog ayaw kalimot nga pahibal-a ko aron masayod sab ko. Aber.

Ang lima ka ang-ang sa pagkahubog

2008-07-23T23:20:00.001-07:00

Aduna koy nabashan bahin sa lima ka ang-ang sa pagka hubog bisan tood nga dili ako ang nag sulat niini apan akong lang gihatagan og higayon nga esplekar kini sa binisaya kay giganahan man gud ko ba.
kung kamo manginomay maka gahin usab mog mnga kasinatian nga mag pamatood nga kini tinood jud diay. adunay lima ka ang-ang (stages man cguro nang an-ang no?) sa pag ka hubog.

permerong ang-ang: ang pagka utokan. (wais)
kung ikaw mukalit nga maka-baton og kaalam sa biskan unsang idelohiya sa tanang butang sa kalibutan. Nga sa imong pag kabalo, nahibal-an nimo tanan para sa mga boot maminaw sa imo. mao kining panahona nga tama ka sa imong paminaw og syempre ang biskan kinsa nga imong kaestorya mamahimong mali na kay brayt kana lagi. unya
lami kini nga lalis labinag ang imong kaestorya utokan pod.

ika-duhang ang-ang: ang pagka ambungan o ang pagka gwapong-tawo

kining higayona mao ang pagkasinati og pagka-amgo nga ikaw diay adunay gwapong/gwapang hitsura nga ang tao sa tibook palibot naganahan sa imong ka-ambongan og bilib na jud sa imo. og mamahimo nimong estoryahon ang ang bisakan kinsa nga imong masugatan biskan wa ka kaila niya. Og hinomdumi nga ikaw usab utokan mao nang mamahimo nimong estoryahon biskan kinsa sa bisan unsang "topic" nga gustohon nimo.

ika-tulong ang-ang: pagka adunahan

Ang higayon nga ikaw na ang pinaka dato sa tibook kalibutan.makapalit kag ilimnon para sa tanan kay naa kay daghang kwarta sa imong pitaka og sa imong ATM. og pwede ka makipag pusta aning higayuna kay utokan ka, syempre makadaog jud ka. way kaso kung pila pa imong i-pusta kay adunahan lagi ka. mamahimo nimong palitan og beer og pulutan tanan bisan kinsa nga nakagusto sa imo kay kaw na gud ang pinaka gwapo/gwapa sa tibook kalibotan.

ika-upat nga ang-ang: dili na madutlan

pagka-kuyaw kay dili naka madutlan og kutsilyo og bala. pwede na nimo sitahon ang biskan kinsa nga nakipag nakipag pusta og nakipag lalis nimo. kay walay maka dulot nimo. og pwede na nimo hagiton ang pares sa imong giganahan nga makipag kombate sa imong kabrayt og kadato. dili ka mahadlok nga mapildi kay ikaw utukan,dato, mas arangan og histsora kaysa ilaha.

ika-limang ang-ang: dili ma makit-an o inbisibol

ang pinka ka ulahi og pinaka kulba nga ang-ang sa pagka hubog. ang higayon nga pwede na nimo himoon tanan kay wala nay makakita nimo.
pwede nang mag sayaw-sayaw sa ibabaw sa lamisa para ganahan ang mga tao sa imo. di namakakita nimo ang imong gi-sita og giaway. og mamahimo nang mag kanta-kanta og kusog, mag singgit-singgit kay way makadungog nimo og kay utokan ka man kabalo ka sa tanang liriks.

hehehe, mao nang bantayi pod ninyo kung mahubog namo.
nakasinati pod ba mo og ingun ani? ako wala pa tanan
kay kung naabot pa ko ana. wala na ko katuki ani.

salamat diay kay Ikong nga nag provide sa kaalam.
http://www.marcotitolambo.com/

Batman the battered one

2008-07-23T01:41:00.001-07:00

Dugay ra jud ko nag handum nga makakita sa salida nga batman mao ning salida sa sinehan kuno karon. Ang taytol kay "batman the dark knight". Pero usa sa mo mutan-aw og BATMAN hatagan tamog gamay nga pagtuki bahin kaniya.
Kabalo ba mo nga si batman usa ka battered husband? dili buttered ha kay sa manok man to. Sige lng na siyag ka-kantsawan sa iyang mga silingan og pare kay puspusan man siya sa iyang misis. sukad adtong panghitabo-a nag punayg puyo sa ngit-ngit ang atong bida. Nag sigeg huna-huna unsaon pagkabalos sa iyang mga kaaway. ug sa dihang naka kita siyag daghang kabog (dagkong paniki or bat) naka isip siyag maayong ideya. Si batman manimalos isip usa ka kabog nga nagpuyo sa ngit-ngit og mura pod siyag sundalo or "knight" dati man pud ning sakristan si batman. si batman murag vigilante kung sa atoa pa na DDS mangitag mga tawo nga itom og kasing-kasing og gahig alimpatakan.
mao nay psychological effect sa iyang sigeg ka puspusan grabeh na jud ni. ug dinhi namugna ang vigilante sa gabii si BATMAN.
busa kamo pag bantay-bantay kay si batman mao muhatag kanatog "hostes siya" aw hustisya diay. salamat batman!
unta dakong tabang ang impormasyon nga akong nahatag kaninyo. usab kini jigo ang silingan ni batman.

pagtuki sa adlaw sa ting-uwan.

2008-07-20T18:23:00.000-07:00

mao kini ang pagtuki karong adlawa.

Bahalag walay kaugmaon basta maugmaan lng, kay unsaon man ang kaugmaon kung dili naka maugmaan. :D

saktong pangutana sa way klarong tubag

2008-07-17T00:29:00.000-07:00

mao kini mga saktong pangutana sa way klarong tubag.
usahay dili na nato matuki pag ayo kay murag komon na lng sa atong panag-estoryahanay
daghan pa kaayo ni pero mao ray akong nahimumdoman pero ako rang isumpay puhon kung aduna koy masugatan. oki ba?

pangutana og tubag

naa imong nanay dira? - ngano man diay.

asa man ka muadto? balik man ko dayon.

unsa oras imong klase? - unya pa.

pila naman imong edad? - bata pa man ko.

asa man mo gikan? - ganina ra mi kaabot oi.

giunsa na pag buhat? - dali ra man ni.

unsa nay oras? - sayo pa man.

gwapa to siya? - puti.

nikaon naka? - busog pa man ko.

asa inyong balay? - duol lang man.

unsay taytol anang gitan-aw nimo nga palabas? - action ni bay!

asa naman ka dapit? - padulong nako

unsa pa gani tong uban? aw murag daghan paman to no. sige hantod sa sunod. :D

genius ko

2008-07-15T22:54:00.000-07:00

Kabalo ba mo kung kinsa tong mga "Genius" og mga Brayt sa eskwelahan? aw, kung wa pa akong igahin sa inyo akong dyutayng pagtuki. Niadtong sa nag eskwela pa ko, aduna koy natuki og nabansay-bansay. mao kini ang duha ka klase sa estudyante and mga braty og mga genuis. ang mga brayt nga estudyante mao tong mga nag baton og kaalam tungod kay sila kompleto sa gamit pang-eskwela sama sa nutbok, bolpen, libro, papel, og halos tanan nga requirements komlpeto sila ug mag sige silag basa sa mga lesson ni ma'am og sir. kung dili gani sa library naa sila sa blay para mag-himo og assigment. kakuyaw jud ning mga brayt nato nga mga estudyante no? mao kini maayong ihimplo sa atong kumyonidad. Og ang ikaduha nga klase sa mga estudyante ang mga "Genius" (ehem) murag naapil ko niining mga klase sa estudyante. mao kini ang mga dili mag dalag nutbok. dili mag dalag calculator, dili mag take notes, dili maminaw sa maestra usahay ra musulod sa klase unya mangupya pod panagsa ug magpunayg ngisi bisan walay kataw-anan. unya mag mantener lang og grado nga tres. hahays, lisod ning genius ta.
apan sa akong pagka genius naka human ra man pud ko. salamat sa akong mga klasmeyt og tetser nga nisabot sa akong pagka genius. unya kamo unsa man? :p

ang ganti

2008-07-14T23:26:00.000-07:00

ang ganti nga gikan kay darlyn. daghang salamat sa imo.
og sa akong mga higala ihatag ko usab kining maong ganti isip usa ka amigo alang sa pagpamatuod nga kamo mga tiunay nga bloggerista.
dawata usab ang isa ka kilong bugas og tinapa.

jacob
ronald
eric
ice
mae
aubrey

joke daw?

2008-07-13T20:18:00.000-07:00

driver: unsa man ning akong pasahero nga kahadlokan man kayog nawong. unya mingaw pa jud kaayo ang gipa haturan sa ako jud. pastilan ning pasaheroa oi.
pasahero: dong ilugar lang ko duul sa minteryo dong.
driver: ah, ah minteryo, ah naa, naa na nong (nakulbaan ang driver unya gilugar ang taxi)
oi unsa ba katingalhan kaayo ni "oi nong pwede mangutana nong? kaganiha pag sakay nimo sa akong taxi itom man tong imong sanina, karong mikalit lang man og kaputi.?!"
pasahero: kung imposibleng papution Tide ang gamiton.

Kolas: looya nimog panginabuhian makring oi, mao ra gyud na imong paningabuhian maninda lng jud og mani?
Lukring: oi kulas abi nimog mani-mani lang ni do pero akong anak naa sa ateneo.
Kolas: unsa man estudyante?
Lukring: naninda pud og mani!

bana: dili nako! napul-an nako nimong asawaha ka! mag buwag ta! atong bahinon ang atong mga katigayunan.
asawa: akoy imong hagiton wa ko mahadlok do!
bana: a sige, ang atong mga aplyanses atong tungaon.
asawa: aw kana lng diay aw sige gud.
bana: sige imong nigo akoang kaguran.

anak: tay tay tay pakauna sa gud ko anang sinugba nimo nga manok tay
tatay: ayaw, ayawg kaon dong kay halang kaayo!
anak: sige lang gud tay, mukaon man ko bisag halang.
tatay: kagahi ba nimog ulo oi! giingnan ka nga ayaw lagig kaon kay halang kaayo
anak: sige tay oi. ikaw kaon sa manok kay akoy kaon sa sili.

anak: tay tay tay paliti sa gud kog cocom ban
tatay: pataka ra man kag comom ban nak. bam paper!

Apo: Lola makahinumdom jud ko nimu ba kung muulan.
LOLA: mao ba apo?nganu man? (naay gamayng kasadya ug natingala)
Apo: Kuwan Man gud La... Bahong yuta.
LOla: Pak yu nimu! Go 2 hell!

ang akong bidyinggit

2008-07-10T23:10:00.004-07:00

Nag sugod kini sa gamayng botoy sa akong tabon-tabon dapit sa pilok sa toong bahin sa akong mata. Sa akong pag kahinumdom gamay ra man to nga botoy og katol-katol ra pud gamay. ug sa dihang sige kinig katandog tungod kay lami lagi kutkuton og kay katol man jud. Ug sa akong pagmata ganinang buntag murag sambol man akong panan-aw og ang akong mga mata gitaptan ug daghang muta og daw sama kini sa napilot nga pilok og sakit ipitok-pitok. ug akong na bansay-bansay nga budyinggit na dyud diay ni. ang budyingit nga kanhi gamayng botoy na himong BOTOY. pagka malas na lang jud nako. murag maglisod nakog tan-aw sa mga maanindot nga kahayag sa kalibutan lakip ang mga maanyag nga binuhat sa Ginoo. Pastilan gyud “tsk-tsk-tsk”.

akong katingala og nganong nitubo man kini daw sama sa usa ka kaupas nga kalit lng mugimaw sa yuta nga walay igong hinungdan sa iyang pagtubo. Ingun nila makabaton daw tag budyinggit (mura pod kog x-man no naay nabaton nga powers) kung mamaklad daw ta o manilip. pero sa akong pagka hinomdom wa man ko nanilip kay di man na binuhatan sa usa ka tarong nga tawo sama kanako (ahem). ang tambal kuno niini mao ang paghaplas sa imong pirmirong ihi sa buntag ngadtos sa apiktadong bahin sa imong mata, pero murag nag duha-duha ko kay basin managhan noon kini o mudako na hinoon og samot og unya manimaho tag anso mura tag tiguwang maot ini.

busa kaninyo mangayo kog maayong tambag kung unsa ang maayong tambal aron ang kahayag sa akong panan-aw mubalik na og dili nako mag-antos sa bugyinggit. salamat mga higala.

salamat

ang amaw.

2008-07-10T23:10:00.003-07:00

Naay tulo ka tao nga nasakpan sa mga bandido og ila kining paambakon sa pangpang kay wala na kini silbi sa ilaha, apan kung sila daw mabuhi pasagdan sila nga makaikyas ug mamahimo nang makauli sa ilaha.

Ang unang gipaambak mao ang Muslim. Og sa iyang pag-ambak nisinggit kini sa ngalan sa ni Allah
lalalaki: Aalaaaaaaaaaaaaaaaaaaahhhhhhhhhhhhhhhhhh!
Blag! patay ang permirong gipaambak. Gidung-aw kini sa duha ka nabilin og nagpanglingo kay nabuak ang iyang ulo og nadugmok ang mga bokog niini.

Og unya gipaambak ang ikaduhang dinakpan, usa kini ka Buddist. Og sa iyang pagambak nisinggit kinig Budda…
lalaki: Buddaaaaaaaaaaaaaaaaaaaaaaaaaaaaaahhhhh! budda! budda! budda! budda! (gibalik balik ang budda nga pinapitik sa tingog)
gipiko ang tiil nipiyong og nilutaw kini sa hangin og ning anam-anam ug saka kada sangpit sa pangalan ni Budda. pak! nakabalik ang lalaki sa taas pangpang.

Sa pagkakita sa ikatulong lalaki nag panglingo-lingo kini og naka ingun og “tsk-tsk-tsk”
Og unya sa kalit gituklod siya sa mga bandido didto sa bangin. Naka singgit ang lalaki sa ngalan sa Ginoong Hesu Kristo.
lalaki: Ginoong Hesu Kristoooooooooooooooooooooooohhhhhh! ohhhhh! ohhhh! ug murag hapit na jud siya sa yuta gipiyong niya ang iyang mga mata gipiko ang tiil og dihang
ni sulti kinig budda! budda! budda! budda! og nilutaw pag hinay-hinay ang amaw.

kataw-anan apan sakit huna-hunaon nga daghang tao nga taphaw lamang ang ilang pagtoo.

“Sa Ting-ulan, Gusto Kong Makita Ang Mga Alindanaw” sinulat ni Tito Itsoy

2008-07-10T23:10:00.001-07:00

Sa akong paglatagaw diri sa dalan sa kinabuhi na sugat kog maanindot nga pinulungan, daw sama sa usa ka kaagi og kasinatian nga bisan tood hanap na sa atong mga huna-huna apan magpabilin gihapon sa atong mga kasing-kasing. Igahin ko kanunyo ang balak ni Tito Itsoy mao nay ingun sa naka kita ra pud ani. ania.

Kaanindot balikan niadtong panahon
Nga kita nagdula sa balisbisan nga nangaligo
Sa ulan, nahibulong ta sa dahon sa gabi nga
Di mabasa. Nangatawa ta nianang kinataw-an sa usa ka bata
Wa ta makasabot sa pinulongan sa ulan apan nasayod ta nga
Kini talidhay sa kinaiyahan. Naghimo tag kanal-kanal nga sama
Sa atong mga damgo karon nga agianan sa tubig ngadto sa
Sapa. Usahay gusto tang lantawon lahos sa bentana ang ulan,
ulan, ulan

Naghubo tang duha ug nangaligo gawas sa koral
Nasuko si Mawling nato kay atong gikawat ang iyang
Sinawod sa sandayong. Nanagan ta nga naggukod sa anino sa gabon
Ngadto sa kamotehan, sa kakugnan. Ug nalamba ta. Imong lawas nadat-og
sa Akoa.

Ug diha pa ta masayod nga di na diay ta mga bata dihang wa na ta nindoting
Magtan-aw sa mga alindanaw kay may kilat nga nagpataliwa nato.
Nahibulong ta nganong kalit mang nawalis ang gitapis nga kainosente
Sa atong pagkabata.

Karon, kay ting-ulan na man usab, buot kong masubli kadtong atong
Mga binatang kagiki. Apan wa na koy nabatyagang kilat kay mibalik nako
Ang talan-awon sa kaanindot sa mga alindanaw.

ang akong…

2008-07-10T23:09:00.004-07:00

pagkatugnaw sa kagabhion nga gihabulan ko sa mga singut nga nidagayday sa akong likod.

mga bituun sa langit nga susasama sa usa ka trapal nga nag pugong sa pag tugpa sa ulan.

ang bulan nga nag lamdag sa dalan ug sa sagbot nga sapinit ako nag pasalipud.

didto daplin sa punuan sa saging ako nipungko og nagunit sa unas sa wala nga kamot.

akong gipiyong akong mga mata niduko ko sa yuta og gipugngan nako akong ginhawa.

kalami isinggit og ityabaw nga unta mahuman na ang higayun apan dili kay daghan ang matugaw.

sa maka-usa, kaduha, katulo, og kadaghan nahitabo ang pagpanampiling nga sama sa usa ka damgo

nga sa pagmata sa buntag kalit lng mapanaw.

apan higala kinahanglan kini magmalampuson.

og tiod-tiod na jud ning akong pag pungko og kinahanglan nang mubakod.

akong gibukhad akong palad lakip ang unas nga akong gikumkom.

og sa dihang akong gitrapo sa lobot hastang malasa kay nipilit sa akong kumingking ang igit nga nipilit

sa akong mga koko.

asa nag sugod ang lechon

2008-07-10T23:09:00.003-07:00

sa una wala pa nauso ang lechon apan usa ka adlaw niana sa china adunay mag-uuma nga nag buhi og baboy sa ilawom sa ilang balay. usa ka adlaw samtang ang ang mag-uuma nga instik niadto sa ilang galas nakalimtan niya ang haling sa ilang abohan. samtang siya nag pugas og mais naka panimaho siya og aso, sa iyang pag-susi na matyagan niya nga nasunog na iyang balay apan ulahi na ang tanan pagkadako sa kalayo og naugdaw ang balay niini. sa iyang nasinati na gool pag ayo ang mag-uuma kay lakip ang baboy nasunog kauban sa iyang balay. nakapanimaho ang mag-uuma og maka dani nga homot daw usa ka langitnon nga baho og nang lad-ok siya sa kalami niini. iyang nakaplagan ang iyang baboy nga nalitson na og sa iyang pag tilaw nalamian siya og hasta ang hari naka balita nga lami ang baboy nga malitson. sukad adto sige nag litson ang mga tsino sige pud silag sunog og balay hangtod ilang gisunog ang palasyo para maka kaon lang og litson. ulahi na kaayo nga ilang nabansay-bansay nga wa na silay kapoy-an. sukad adto gibawal na ang litson sa tsina. mao ra to… giganahan mo sa akong story?

unsa kaha no.

2008-07-10T23:09:00.001-07:00

dako akong pasalamat sa tao nga naka diskobre sa pagpang-himuta. unsa na lng kaha no kung walay naka diskobre niini, mabulit atong mata sa mga muta. unya dili ta maka kita sa kamatuuran busa maayo na lang kay nadiskobrehan ni.

sa ako lng ha.

2008-07-10T23:08:00.004-07:00

sigun sa akong pakisusi og pag bansay-bansay naay mga butang nga akong nabatayan nga angay natong hinuktukan. Sama sa pag laba sa towel, kanusa ba jud ni kinahanglan labhan. Sa ako lng ha dili na kinahanglan labhan ang towel kay limpyo naman ta inig gamit nato ani. humana ta og ligo ug fresh na ta kaayo busa nganong labhan pa man ang towel.

ngano?

2008-07-10T23:08:00.003-07:00

nganong naa may bulsa ang brief?

ang saktong tubag: para kini sudlan sa asin alang sa itlog.

nganong ang panty wala namay bulsa?

ang saktong tubag: kay parat naman ang mani.

Pagtuki LOGO og Contact

2008-07-10T23:08:00.001-07:00

Para sa tanan nga Manukiay

Webmaster/Blogger

PAGTUKI LOGO

Para asa man ni?

Kini nga logo gigama

para sa inyong tanan

nga nag suporta sa

bisayang manukiay.

Kinsay Makagamit?

Biskan kinsa nga Bisaya,

Dabawenyo og Pilipino

og ang tanan.

kini walay bayad

basta gamiton lng sa maayo.

1) Ayaw usba ang logo

gawas lamang sa pag

"resize".

2)butangi usab og "link"

ang logo balik diri nga

"site" para makabalo

ang tanan.

Unsaon pag Gamit sa Logo?

I-downoad lamang ang logo

sa imong PC gamit ang

abilidad sama sa usa ka henyo

Pagtuki

kung unsa may makit-an nako sa akong paglakaw mga butang nga katingad-an, mg mistiryoso nga dili matuki og di masabot sa yanong panghuna-huna diri nako i asoy og akong isugyot. busa mga higala ko diha sa katilingban hulat lng kay ako rang ibahin kaninyo ang kamatuuran.

dako nakong kahimoot nga kamo boot makig estory kanako.

PAGTUKI SA MGA BUTANG